Chuwach ri Jehová ri kʼulanem sibʼalaj nim ubʼanik, y kraj taj kkijach kibʼ (Mt 19:5, 6). Pa ri utinamit ri Jehová e kʼo kʼulanem che kekikotik. Are kʼu kʼo ta jun kʼulanem che mat kʼo kʼax kkiriqo. Kqachomaj taj che ri jachoj ibʼ kusukʼumaj ronojel ri kʼax. ¿Jas kkibʼan ri cristianos che uchajixik ri kikʼulanem?

Chqilaʼ jobʼ pixabʼ.

1. Chachajij ri awanimaʼ, kabʼan ta coquetear rukʼ jun winaq chik y kawil ta jastaq che kʼo tzʼil taq wachbʼal chupam. Wariʼ kubʼan kʼax che ri kʼulanem (Mt 5:28; 2Pe 2:14).

2. Chanimarisaj ri awachilanik rukʼ ri Jehová y chakojoʼ achuqʼabʼ rech kqaj ri akʼulanem chuwach ri Dios (Sl 97:10).

3. Kaya ta kan ukʼutik utz taq bʼantajik y chayaʼ utz taq sipanik che ri akʼulaj rech kkikotik (Col 3:8-10, 12-14).

4. Amaqʼel chixtzijonoq y nim chiwilaʼ wi iwibʼ (1Co 7:3, 4; 10:24).

5. Chakʼutuʼ loqʼoqʼebʼal are chiʼ kibʼan relaciones sexuales (1Co 7:3, 4; 10:24).

Are chiʼ ri cristianos nim kkil wi ri kʼulanem, kkikʼutu che nim kkil wi ri Jehová che are xbʼanow ri kʼulanem.

ARE CHIʼ AWILOM CHI RI VIDEO RAJAWAXIK KQATIJ ANIM RUKʼ KOCHʼONIK: CHQATERENEJ RI TAQANIK CHRIJ RI UTIJIK ANIM, CHATZALIJ KIWACH RI PREGUNTAS RIʼ:

• Paneʼ qas sibʼalaj kekikot jun kʼulaj winaq are chiʼ kʼateʼ kekʼulik, ¿jas kʼax kkʼulmatajik?

• ¿Jas tobʼanik kuya ri upixabʼ ri Dios chke ri kkinaʼo che kʼo ta chi loqʼoqʼebʼal pa ri kikʼulanem?

• ¿Jas pixabʼ kuya ri Jehová chke ri e kʼulanik?

• ¿Jas rajawaxik kubʼan ri achajil y ri ixoqil rech kʼo kikotemal pa ri kʼulanem?