Ri Samuel xunimaj ri Jehová pa ronojel ri ukʼaslemal. Are chiʼ kʼa nitzʼ na, xraj taj xubʼan re ri xkibʼan ri Hofní y ri Finehás, ri e ukʼojol ri Elí, che amaqʼel xkibʼan itzel taq jastaq (1Sa 2:22-26). Are chiʼ tajin knimar ri alaj Samuel, ri Jehová amaqʼel xuya ri utobʼanik che (1Sa 3:19). Y, are chiʼ nim chi ri ujunabʼ xuqujeʼ xniman che ri Jehová paneʼ ri e ralkʼwal je ta xkibʼano (1Sa 8:1-5).

¿Jas kukʼut chqawach ri ukʼutbʼal ri Samuel? Ri alabʼom alitomabʼ utz che kketaʼmaj che ri Jehová retaʼm y kunaʼ ri kʼax che kkikʼulmaj. Ri areʼ keʼutoʼo rech kkichʼij ri kʼax (Isa 41:10, 13). ¿Jas ketoʼw ri e tat nan paneʼ ri e kalkʼwal kkiya kan upatanixik ri Jehová? Are uchomaxik rij ri ukʼutbʼal ri Samuel, paneʼ ri e ralkʼwal xeniman ta che ri Jehová, ri areʼ xeʼutaqchiʼj taj rech kkinimaj. Ri Samuel xukubʼsaj ukʼuʼx chrij ri Jehová, amaqʼel xniman che y xuya kikotemal che ri uTat kʼo pa ri kaj. Weneʼ ri utz kikʼutbʼal ri e tat nan kubʼano che ri e kalkʼwal ketzalij pa ri utinamit ri Jehová.

ARE CHIʼ AWILOM CHI RI VIDEO CHQABʼANAʼ QE RI XKIBʼAN E AREʼ: RI SAMUEL, CHATZALIJ KIWACH RI PREGUNTAS RIʼ:

• ¿Jas xubʼan ri Samuel are chiʼ kʼa nitzʼ na che ukʼutik che kʼo ukowil ukʼuʼx?

• ¿Jas xubʼan ri a Danny che ukʼutik ukowil ukʼuʼx?

• ¿Jas utz kʼutbʼal xuya ri Samuel are chiʼ nim chi ujunabʼ?

• ¿Jas utz kʼutbʼal xkiya ri utat unan ri a Danny?