Ri e qariqbʼal ibʼ are jun jastaq nim ubʼanik pa ri qaqʼijilanik che ri Jehová (Sl 22:22). Konojel ri kkimulij kibʼ che uqʼijilaxik ri Jehová sibʼalaj kekikotik y kkiriq kʼi tewchibʼal (Sl 65:4). Ri tijoxelabʼ aninaq kekʼiy pa ri kikojonik are chiʼ amaqʼel kebʼe pa ri e riqbʼal ibʼ.

¿Jas katkunik kabʼano rech kaya tobʼanik chke ri tijoxelabʼ rech kebʼe pa ri e riqbʼal ibʼ? Amaqʼel chabʼij chke. Chakʼutuʼ ri video chkiwach ¿Jas kbʼan pa jun Ja rech Ajawbʼal? Y chabʼij ri tewchibʼal kkiriqo are chiʼ keʼopanik (lff kʼutunem 10). Xuqujeʼ katkunik kabʼij chke ri xawetaʼmaj pa ri riqbʼal ibʼ y jas ketaʼmax pa ri jun chi riqbʼal ibʼ. Chayaʼ ri wuj ri kkoj pa ri riqbʼal ibʼ che ri tijoxel o chakʼutuʼ ri pestaña chuwach jawiʼ kubʼij wi «Reuniones» ri kʼo pa JW Library^®. Xuqujeʼ chakʼamaʼ bʼi pa ri e riqbʼal ibʼ. Are chiʼ ri tijoxel kbʼe pa ri riqbʼal ibʼ kawilo che kʼo upatan ri chuqʼabʼ che xakojo (1Co 14:24, 25).

ARE CHIʼ AWILOM CHI RI VIDEO CHEQʼATOʼO RI TIJOXELABʼ RECH KEBʼE PA RI E RIQBʼAL IBʼ, CHATZALIJ KIWACH RI PREGUNTAS RIʼ:

• ¿Jas xtoʼw ri al Rita rech xubʼij che ri al Coral che kbʼe rukʼ pa ri e riqbʼal ibʼ?

• ¿Jasche sibʼalaj kojkikotik are chiʼ jun tijoxel kopan pa ri e riqbʼal ibʼ?

• ¿Jas xunaʼ ri al Coral are chiʼ xbʼe nabʼe ri riqbʼal ibʼ?