¿Jasche rajawaxik kabʼij chke ri atat anan ri kachomaj? (Pr 23:26). Rumal che ri Jehová uyaʼom pa kiqʼabʼ rech katkichajij y kkikʼam abʼe (Sl 127:3, 4). We kabʼij ta chke ri atat anan ri kabʼisoj o ri jastaq che más utz kawilo, kekun ta riʼ che atoʼik. Y xaq xiw ta wariʼ kakʼulmaj, xaneʼ kawetaʼmaj ta riʼ ri kʼi taq jastaq che ketaʼmam chi e areʼ pa ri kikʼaslemal. Are kʼu, ¿la rajawaxik kabʼij chke ri atat anan ronojel ri kakʼulmaj? Rajawaxik taj we are ta jun jastaq che rajawaxik taj kketaʼmaj (Pr 3:32).

¿Jas kabʼano rech katkunik katchʼaw kukʼ ri atat anan? Chatchʼaw kukʼ are chiʼ kawilo che utz kixtzijonik iwonojel. Xuqujeʼ katkunik katzʼibʼaj jun carta chke ri kabʼij wi ronojel ri kanaʼo. Are kʼu ¿jas kabʼano we e areʼ kkaj kechʼaw awukʼ chrij jun jastaq y at kawaj taj? Chnaʼtaj chawe che e areʼ xaq xiw kkaj katkitoʼ. Ri atat anan e akʼulel taj xaneʼ e awachiʼl. Ronojel ri chuqʼabʼ kakojo rech kattzijon kukʼ ri atat anan katutoʼ pa ri akʼaslemal kimik y pa ri petinaq (Pr 4:10-12).

ARE CHIʼ AWILOM CHI RI VIDEO ARE CHIʼ KʼA AT MAJAʼ NA: ¿JAS KABʼANO RECH KATTZIJON KUKʼ RI ATAT ANAN?, CHATZALIJ KIWACH RI PREGUNTAS RIʼ:

• ¿Jas xkichʼobʼ ri al Esther y ri a Partik?

• ¿Jas kawetaʼmaj at chrij ri ukʼutbʼal ri Jesús?

• ¿Jas kibʼanom ri atat anan che ukʼutik che sibʼalaj katkaj?

• ¿Jas pixabʼ che kʼo pa ri Biblia katkitoʼ rech katkunik katchʼaw kukʼ ri atat anan?