¿Jasche rajawaxik kqetaʼmaj jas kqabʼano we kkʼulmataj wariʼ? Qonojel weneʼ xaq kʼateʼ rajawaxik kojkʼam bʼi rukʼ jun kunanel o kojkʼam bʼi pa jun hospital. We kqaj che qas utz kbʼan che qilik rumal ri kunanel, rajawaxik kʼo kqabʼano are chiʼ majaʼ kkʼulmataj jun kʼax y kqakoj ri tobʼanik che kʼolik. Jeriʼ kqakʼutu che nim kqil wi ri kʼaslemal y ri taqanik che uyaʼom ri Jehová chrij ri kikʼ (Hch 15:28, 29).

¿Jas rajawaxik kabʼano are chiʼ majaʼ kkʼulmataj jun kʼax?

• Are chiʼ majaʼ kanojisaj ri tarjeta DPA, a nabʼe chatchoman chrij y chabʼanaʼ achʼawem. Ri kibʼanom chi kiqasanjaʼ kekunik kkitaʼ wajun tarjeta che ri jachal wuj rech ri congregación, y ri e tat nan kekunik kkitaʼ ri Tarjeta de identidad (ic) kech ri akʼalabʼ.

• We jun ixoq yawabʼ winaq chik, rajawaxik kutaʼ chke ri e kʼamal bʼe ri wuj Información para mujeres embarazadas (S-401), wariʼ kutoʼo rech utz ri kuchaʼ ubʼanik are chiʼ majaʼ kkʼojiʼ ri akʼal y are chiʼ kkʼojiʼk.

• We ri kunanel kubʼij che weneʼ kajwataj kikʼ chawe o katkʼojiʼ kan pa ri hospital, chayaʼ ubʼixik wariʼ chke ri kʼamal taq bʼe y chabʼij chke ri kunanelabʼ re ri hospital che kawaj kopan jun testigo rech Jehová che achʼabʼexik.

¿Jas kkibʼan ri kʼamal taq bʼe che atoʼik? Kekunik katkitoʼo rech kanojisaj ri tarjeta DPA, are kʼu kekun taj kkibʼij chawe jas ri kabʼano xuqujeʼ kkibʼij ta ri kkichomaj chrij ri kachaʼ ubʼanik (Ro 14:12; Gál 6:5). Are chiʼ kaya ubʼixik chke ri kʼamal taq bʼe che ri kunanelabʼ kkaj kkikoj kikʼ chawe, e areʼ aninaq ketzijon rukʼ ri Comités che Ketzijon kukʼ ri Hospitales (CKH).

¿Jas kubʼan ri CKH che atoʼik? Ri qachalal che e kʼo pa wajun comité ketijoxik rech kekunik kekitoʼ ri kunanelabʼ y ri e winaq che kʼo kibʼanik rukʼ ri qʼatbʼal tzij rech kkichʼobʼo jas kqachomaj chrij ri ukojik kikʼ. Kekunik ketzijon kukʼ ri kunanelabʼ che tajin katilowik rech kkikoj nikʼaj chi tratamientos che kʼo ta kikʼ chupam y, we rajawaxik, kekunik kkitzukuj jun chi kunanel che kraj katutoʼo.

ARE CHIʼ AWILOM CHI RI VIDEO ¿JAS KABʼANO CHIʼ KBʼIX CHAWE CHE RAJAWAXIK KAKOJ KIKʼ?, CHATZALIJ KIWACH RI PREGUNTAS RIʼ:

• ¿Jas rajawaxik kabʼano are chiʼ xaq kʼateʼ katkʼam bʼi pa hospital y kbʼixik che kajwataj kikʼ chawe?

  Ri arespuesta