Ri Unaʼtabʼalil ri ukamikal ri Jesús sibʼalaj nim ubʼanik chkiwach ri upatanelabʼ ri Jehová. Are chiʼ kraj na jujun taq semanas che knaʼtasax ri ukamikal ri Jesús y are chiʼ qʼaxinaq chik, kqakoj qachuqʼabʼ che uyaʼik uqʼij ri Jehová y kqamaltyoxij ri tojbʼal mak che xuya chqe (Ef 1:3, 7). Jun kʼutbʼal, keqasikʼij e nikʼaj chi winaq rech kekʼojiʼ qukʼ. E jujun qachalal kkitas kitiempo rech kkibʼan ri precursorado auxiliar re 30 o 50 horas pa taq ri ikʼ marzo o abril. ¿La kawaj katzijoj más ri utzij ri Dios pa ri tiempo che knaʼtasax ri ukamikal ri Jesús? ¿Jas katkunik kabʼano?

We achomam chi ri kawaj kabʼan pa riʼ ri tiempo, utz kel riʼ chawach (Pr 21:5). Naqaj chi kʼo wi ri Unaʼtabʼalil ri ukamikal ri Jesús, rumal laʼ utz che kamaj uchomaxik ri kawaj kabʼano. Chatchoman chrij ri metas che kawaj kabʼan pa ri tiempo che knaʼtasax ri ukamikal ri Jesús y ri rajawaxik kabʼano rech katkun che ubʼanik. Tekʼuriʼ chataʼ che ri Jehová che kutewchij ri chuqʼabʼ kakojo (1Jn 5:14, 15).

¿Jas más katkunik kabʼano rech katzijoj ri utzij ri Dios pa ri tiempo che knaʼtasax ri ukamikal ri Jesús?