Xaq jubʼiqʼ chi kraj kbʼan ri nimaqʼij re ri Pascua rech ri junabʼ 32, Jesús xubʼan jun mayibʼal, ri xaq xiw kriqitaj pa ri kajibʼ Evangelios.

Rukʼ wajun mayibʼal riʼ, Jesús xuya kan jun kʼutbʼal che kʼa tajin kbʼan na kimik.

14:16-21

• Jesús xubʼij chke ri e utijoxelabʼ che kkiya kiwa ri kʼiʼalaj winaq, pa neʼ xaq xiw jobʼ kaxlanwa xuqujeʼ kebʼ kar kʼo kukʼ.

• Jesús xukʼam ri e kaxlanwa xuqujeʼ ri e kar, tekʼuriʼ chiʼ xbʼantaj ri chʼawem rumal, xujach chke ri utijoxelabʼ. E areʼ, xuqujeʼ, xkijach chke ri winaq.

• Rukʼ nimalaj mayibʼal, konojel ri winaq xkitij kiwa. Jesús xuya kiwa e kʼiʼalaj winaq xa rukʼ ri kitobʼanik kebʼ oxibʼ utijoxelabʼ.

• Jesús xuya kan ubʼixik che, pa ri kʼisbʼal taq qʼij, keʼuchaʼ jujun winaq che kkiya ri «tzuqbʼal kech pa ri kiqʼijol» (Mt 24:45).

• Pa ri junabʼ 1919, Jesús xuchaʼ ri «jikalaj pataninel», jun jupuq rech kebʼ oxibʼ cristianos che e chaʼom, xuqujeʼ xukoj pa kiwiʼ «ri aj uwo rachoch», ri e winaq che kyaʼ ri kiwa pa uxlabʼal.

• Rukʼ wajun jupuq riʼ rech kebʼ oxibʼ cristianos che e chaʼom, Jesús tajin kukoj ri kʼutbʼal kimik che xuya kan pa ri nabʼe siglo.

¿Jas kinbʼan che ukʼutik che utz kwilo xuqujeʼ nim kwil ri tajin kukoj ri Jesús che uyaʼik kiwa pa uxlabʼal ri utinamit?