Are chiʼ xkʼojiʼ cho ri uwach Ulew, Jesús xuya ubʼixik wajun taqanik riʼ: «Nim chawilaʼ wi ri atat xuqujeʼ ri anan» (Éx 20:12; Mt 15:4). Qas xkunik xubʼij wariʼ rumal che areʼ xniman chke ri unan utat are chiʼ kʼa akʼal na (Lu 2:51). Chiʼ majaʼ kkamik, qas xril ri kajwataj che ri unan (Jn 19:26, 27).

Kimik, ri e alabʼom alitomabʼ xuqujeʼ kkikʼutu che nim kkil ri kinan kitat are chiʼ kkinimaj xuqujeʼ kechʼaw kukʼ rukʼ utz taq tzij. Ri qastzij, ri taqanik chanimaj ri anan atat ksach ta uwach. Pa neʼ ri qanan qatat nim chi kijunabʼ, rajawaxik che nim keqilo xuqujeʼ kqatatabʼej ri pixabʼ che kkiya chqe (Pr 23:22). Jun chi ubʼanik che nim keqil ri qanan qatat are chiʼ kqaya ri kajwataj chke rech kkiriq kikotemal xuqujeʼ kirajil chiʼ kajwataj chke (1Ti 5:8). Pa neʼ oj alabʼom alitomabʼ na o kʼo chi qajunabʼ, jun utzalaj ukʼutik che nim keqil ri qanan qatat are chiʼ amaqʼel kojtzijon kukʼ.

ARE CHIʼ ILOM CHI RI PIZARRA ANIMADA ¿JAS KABʼANO RECH KATTZIJON KUKʼ RI ANAN ATAT?, CHATZALIJ UWACH RI E PREGUNTAS RIʼ:

• ¿Jasche kʼo jujun mul kʼax kabʼano kattzijon kukʼ ri anan atat?

• ¿Jas kabʼan che ukʼutik che nim keʼawil ri e anan atat are chiʼ kattzijon kukʼ?

• ¿Jasche sibʼalaj nim ubʼanik che kakoj achuqʼabʼ rech kattzijon kukʼ ri anan atat? (Pr 15:22).