¿JASCHE NIM UBʼANIK? Rajawaxik che ri e winaq kkitzijoj ri ubʼiʼ ri Jehová rech kekolotajik (Ro 10:13, 14). Ri qastzij, che konojel ta ri kkikʼam jun etaʼmanik kkaj kkinimaj ri e utaqanik ri Jehová. Rumal laʼ rech qas utz kqabʼan che ukojik ri qatiempo che kqakoj che utzijoxik ri utzij ri Dios, rajawaxik che keqatoʼ ri qas kkaj kkikʼex ri kikʼaslemal rech utz kkibʼan chuwach ri Jehová. Rumal wariʼ we jun ajtijoxel kukoj ta pa ri ukʼaslemal ri retaʼmam chik, are utz che kyaʼ ta chi ri etaʼmanik che, xuqujeʼ kqakoj qachuqʼabʼ che kitoʼik ri kkaj kketaʼmaj uwach ri Jehová xuqujeʼ kekʼojiʼ pa ri utinamit (Jn 6:44). Are kʼu we pa ri petinaq ri ajtijoxel kukʼex ri uchomanik xuqujeʼ kukʼutu che are jun chke ri qas kraj «kakʼojiʼ junalik kikʼaslemal» rukʼ kikotemal kqaya chi jumul tijonik che (Hch 13:48).

¿JAS KQABʼAN CHE UBʼANIK?

• Chabʼij che ri ajtijoxel che utz ri tajin kubʼano rumal che kraj kretaʼmaj ri qastzij chrij ri Biblia (1Ti 2:4).

• Chanaʼtasaj che, che nim ubʼanik che kukoj pa ri ukʼaslemal ri tajin kretaʼmaj (Lu 6:46-49).

• Rukʼ utzilal chanikʼoj rukʼ ri ajtijoxel ri kʼutbʼal re ri ajtikoʼn xuqujeʼ rukʼ utz taq tzij chabʼij che kuchomaj jas jastaq tajin kuqʼatej rech kupatanij ri Dios (Mt 13:18-23).

• Rukʼ utz chomanik chayaʼ ubʼixik che jasche kaya ta chi ri etaʼmanik re ri Biblia che.

• Chabʼij che, che jujun taq mul kasolij o kachʼabʼej pa telefóno xuqujeʼ we kukoj pa ri ukʼaslemal ri retaʼmam chik kkunik kutaʼ chi jumul ri etaʼmanik re ri Biblia.

ARE CHIʼ AWILOM CHI RI VIDEO, CHAYAʼ UBʼIXIK CHRIJ RI E PREGUNTAS RIʼ:

• ¿Jas ubʼanik ri tzijonem che kukʼutu che ri ajtijoxel tajin ta kkʼiy ri ukojonik?

• ¿Jas xubʼan ri publicador che utoʼik ri tijoxel rech kuchʼobʼo che rajawaxik kukʼex ri ubʼanik ri ukʼaslemal?

• ¿Jas xubʼan ri publicador che ubʼixik che ri tijoxel che kkunik kutaʼ chi jumul jun etaʼmanik re ri Biblia pa ri petinaq?