Pa ri ikʼ re septiembre, kqatzujuj chke konojel ri winaq jun etaʼmanik rech ri Biblia rukʼ ri wuj ¡Jun kʼaslemal che kʼo ta ukʼisik! Y pa ri ikʼ riʼ ri kkibʼan ri precursorado auxiliar xa 30 horas kkiyaʼo. ¿Jas kqabʼan che ubʼanik wajun campaña riʼ?

• Pa ri nabʼe tzijonem. Chikojoʼ ri kʼisbʼal uxaq re ri folleto y chikʼutuʼ chuwach ri winaq jas kbʼan pa jun etaʼmanik re ri Biblia. Xuqujeʼ chitzujuj chke ri winaq che utz xkita ri xibʼij chke ojer kanoq, junam rukʼ ri irevisitas y ri e winaq che xkaj taj xkikʼam jun etaʼmanik re ri Biblia ojer kanoq. Weneʼ más utz chik kkil ri kqabʼan che uyaʼik etaʼmanik rukʼ ri kʼakʼ folleto. Kiya ta kan ri folleto pa taq ri e ja jawiʼ kiriq ta wi winaq xuqujeʼ kqataq ta bʼi rukʼ jun carta, rumal che qetaʼm taj we qas utz kuta ri winaq. Ri e qachalal re ri Comité de Servicio de la Congregación kkilo jas taq qʼij ktzijox más ri utzij ri Dios pa ri ikʼ riʼ.

• Pa nikʼaj chi lugar. We pa ri icongregación kitzijoj ri utzij ri Dios rukʼ ri alaj taq carritos, kixkunik kiya ri folleto chilaʼ ¡Jun kʼaslemal che kʼo ta ukʼisik! We kʼo jun winaq kraj kretaʼmaj más chrij ri Biblia, utz kitzujuj jun etaʼmanik re ri Biblia che. Y kikʼut chuwach jas kbʼan pa wajun etaʼmanik riʼ, o we kbʼan taj, kixkunik kikʼut chuwach pa jun chi qʼij. Ri kʼamal bʼe re servicio kuchaʼ e nikʼaj qachalal rech kebʼe che utzujuxik etaʼmanik re ri Biblia chke ri winaq pa taq ri kʼaybʼal. Are kʼu we kawaj katzijoj ri utzij ri Dios pa jalajoj taq lugar katkunik katzujuj ri etaʼmanik re ri Biblia chke ri awachiʼl pa ri chak, o chke e nikʼaj chi winaq che keʼariqo.

Ri Jesús xubʼij che rajawaxik keqatijoj ri winaq rech keʼux tijoxelabʼ (Mt 28:19, 20). Kqeyeʼj che wajun campaña riʼ kojutoʼ rech kojkunik kqabʼan wajun chak riʼ rukʼ ri kʼakʼ wuj ¡Jun kʼaslemal che kʼo ta ukʼisik!