QʼINOMAL RE RI UTZIJ RI DIOS | SALMOS 34-37
Chakubʼaʼ akʼuʼx chrij ri Ajawaxel, chabʼanaʼ ri utz
«Mawi mebʼakiʼaq rayij ri e bʼanal taq etzelal»
37:1, 2
-
Mayaʼo che ri utzil re kebʼ oxibʼ qʼij che kkiriq ri e itzel katkiqʼatej che upatanexik ri Jehová. Are chatchoman chrij ri kawaj kabʼan che upatanexik ri Jehová xuqujeʼ ri tewchibʼal uyaʼom chawe.
«Chakubʼsaj akʼuʼx chrij ri Jehová xuqujeʼ chabʼanaʼ ri utz»
37:3
-
Chakubʼsaj akʼuʼx chrij ri Jehová che areʼ katuchajij are chiʼ kachʼobʼ taj ri kabʼano o katbʼisonik. Areʼ katutoʼ rech at sukʼ.
-
Qas chayaʼ ubʼixik ri utzalaj taq tzij chrij ri Rajawbʼal ri Dios.
«Chaloqʼoqʼej ri Ajawaxel rukʼ chʼuchʼujil»
37:4
-
Chatasaʼ atiempo che usikʼixik ri Utzij ri Dios xuqujeʼ chatchoman chrij rech kachʼobʼ más uwach ri Jehová.
«Chajachaʼ ri akʼaslemal pa uqʼabʼ ri Ajawaxel»
37:5, 6
-
Qas chakubʼsaj akʼuʼx che Jehová katutoʼ chuwach ri kʼax che kpe pa ri akʼaslemal.
-
Qas chkʼol utz achomanik chiʼ kmol tzij chawij o kbʼan kʼax chawe.
«Mel jun tzij pa chiʼ chuwach ri Ajawaxel chaweyej rukʼ kochʼonik kʼa katutoʼ na»
37:7-9
-
Chakojoʼ achuqʼabʼ rech chanim taj kpe awoyowal rumal che we kpetik katkikot ta chik xuqujeʼ kubʼan kʼax che ri awachilanik rukʼ ri Jehová.
«Ri e machʼalik kkechbʼej na ri uwach Ulew»
37:10, 11
-
Chakojoʼ achuqʼabʼ rech at machʼalik xuqujeʼ qas chakubʼsaj akʼuʼx che Jehová katutoʼ chuwach ri itzelal kbʼan chawe.
-
Cheʼatoʼ ri e qachalal xuqujeʼ chakubʼsaj kikʼuʼx ri kebʼisonik chiʼ katzijoj chke che naqaj chi kʼo wi ri utzilal che kukʼam lo ri Dios pa uwiʼ ri uwach Ulew.
Ri Rajawbʼal ri Cristo kukʼam lo kʼi taq tewchibʼal
