Ri e videos kopan pa ri kanimaʼ ri winaq rumal che kkil rukʼ kibʼaqʼwach xuqujeʼ kok pa ri kixikin ri kubʼij. Wariʼ kubʼano che ri e winaq más kkitatabʼej ri kbʼixik xuqujeʼ naj kkanaj kan pa kijolom. Jehová uyaʼom jun utzalaj kʼutbʼal che ukojik ri e wachbʼal chiʼ kukʼut ri jastaq (Hch 10:9-16; Ap 1:1).

Ri e videos ¿La kʼo ubʼiʼ ri Dios?, ¿Jachin ajchaqʼe ri chomanik che kʼo pa ri Biblia? xuqujeʼ ri video ¿Jasche kqakojo che ri Biblia kubʼij ri qastzij? ktobʼan rukʼ ri kʼutunem 2 xuqujeʼ 3 rech ri wuj Utz jastaq. Ri e videos ¿Jasche kqetaʼmaj chrij ri Biblia?, ¿Jas ubʼanik ri tijonik chrij ri Utzij ri Dios? xuqujeʼ ¿Jas kibʼanik ri qariqbʼal ibʼ? keʼutoʼ ri winaq rech kkaj kketaʼmaj chrij ri Biblia qukʼ xuqujeʼ rech kebʼe pa ri e riqbʼal ibʼ. Jujun chke ri e videos xuqujeʼ ri e películas kuya kqakʼut pa ri etaʼmanik che kqaya chke ri winaq chrij ri Biblia (km-S 5/13 pág. 3).

• Nabʼe chaqasaj ri video che kawaj kakʼut chkiwach ri winaq.

• Chachomaj jun o kebʼ preguntas che kabʼan chke ri winaq che kyaʼ ubʼixik pa ri video.

• Chiwilaʼ junam ri video.

• Chixchʼaw chrij ri utz taq pixabʼ che xukʼut chqawach.

• Chakʼutuʼ ri código che kʼo chkij ri alaj taq wuj che kukʼam bʼi rukʼ ri video ¿Jasche kqetaʼmaj chrij ri Biblia?

• Chakʼutuʼ ri video chuwach ¿Jasche kqakojo che ri Biblia kubʼij ri qastzij? xuqujeʼ chatzujuj ri wuj Utz jastaq. Chakʼutuʼ ri kʼutunem 3.