QAKʼASLEMAL RI OJ CRISTIANOS

Chatasaʼ awibʼ chrij ri kʼax che kuya ri redes sociales

TAJIN KUJAQ PA

JASCHE NIM UBʼANIK. Junam che kkʼulmataj rukʼ kʼi jastaq, ri redes sociales kkiya tobʼanik o weneʼ kkiya kʼax. Jujun cristianos kichomam kkikoj taj, jujun chik kkikoj rech ketzijon kukʼ ri kifamiliares xuqujeʼ kachiʼl. Are kʼu, Satanás kraj che utz ta ukojik ri redes sociales kqabʼano, je wariʼ kqabʼan kʼax che ri qabʼantajik xuqujeʼ kqabʼan kʼax che ri qachilanik rukʼ ri Jehová. Are kʼu, rukʼ ri utobʼanik ri pixabʼ che kʼo pa ri Biblia, kojkunik kqil ri e kʼax xuqujeʼ kqaxutuj junam che xubʼan ri Jesús (Lu 4:4, 8, 12).

RI E KʼAX

Ukojik nim tiempo. Ukojik kʼi horas ri redes sociales xuqujeʼ ri Internet kubʼano che kʼo ta chi qatiempo che jastaq che kʼo ubʼanik rukʼ ri qakojonik.

Pixabʼ re ri Biblia: (Ef 5:15, 16; Flp 1:10)
Kil jastaq che utz taj. Rilik wachbʼal che kukʼasuj itzel taq rayinik kubʼano che ri winaq kunaqʼatisaj ribʼ che rilik pornografía o kqaj pa inmoralidad sexual. Usikʼixik e tzij o blogs kech ri apóstatas kubʼan kʼax che ri qakojonik.

Pixabʼ re ri Biblia: (Mt 5:28; Flp 4:8)
Ukojik comentarios o wachbʼal che e utz taj. Rumal che ri animaʼ qas ta utz, jun winaq weneʼ kraj kukoj comentarios o wachbʼal che utz taj pa ri redes sociales. Are kʼu ubʼanik wariʼ kubʼano che e jujun winaq kkichomaj jastaq che utz taj chrij o kubʼan kʼax che ri kikojonik ri e nikʼaj chik.

Pixabʼ re ri Biblia: (Ro 14:13; Ef 4:29)