Ri Unaʼtabʼalil ri ukamikal ri Jesús kubʼano che kojchoman chrij ri utz taq jastaq kqariqo rumal ri ukamikal ri Jesús. Jun chke are ri kʼastajibʼal. Jehová kraj taj che kojkamik. Rumal laʼ, ri más kuya kʼaxkʼolil pa ri qakʼaslemal are ri ukamikal jun winaq che sibʼalaj kqaj (1Co 15:26). Jesús sibʼalaj kʼax xunaʼ chiʼ xrilo che ri rajtijoxelabʼ tajin koqʼej ri Lázaro rumal che xkamik (Jn 11:33-35). Rumal che ri Jesús xaq junam rukʼ ri Utat, qetaʼm che ri Jehová xuqujeʼ sibʼalaj kʼax kunaʼo chiʼ krilo che kqoqʼej ri ukamikal jun winaq che sibʼalaj kqaj (Jn 14:7). Jehová sibʼalaj kraj che kopan ri qʼij che keʼukʼastajisaj lo ri e sukʼalaj taq rajpatanel che e kaminaq, oj xuqujeʼ (Job 14:14, 15).

Rumal che are jun Dios che kraj che kbʼan ri jastaq pa cholaj, kuya kqachomaj che ri kʼastajibʼal xuqujeʼ kbʼan pa cholaj (1Co 14:33, 40). Are ta chi kojoqʼ rumal che kkam jun winaq, are kqabʼan nimaqʼij rumal che kekʼastaj lo ri kaminaqibʼ. ¿La katas aqʼij che uchomaxik wajun bʼantajik riʼ, más chiʼ kkam jun winaq? (2Co 4:17, 18). ¿La kamaltyoxij che ri Jehová rumal che uyaʼom ri sipanik che kewalij na loq ri kaminaqibʼ xuqujeʼ rumal che kukʼut chqawach pa ri Biblia che ri kaminaqibʼ kekʼaseʼ chi na? (Col 3:15).

• ¿Jachin chke ri awachalal o awachiʼl qas kawaj kawil uwach?

• ¿Jachin chke ri winaq che kchʼaw ri Biblia chrij kwaj kawetaʼmaj uwach xuqujeʼ kattzijon rukʼ?