Pa ri 23 rech marzo kqeyej che kepe doce millones che unaʼtasaxik ri ukamikal ri Jesús qukʼ. Ri kyaʼow ri chʼabʼal kuya ubʼixik che Jehová xuya jun nimalaj sipanik chke ri winaq chiʼ xuya ri Ukʼojol xuqujeʼ rech konojel kqariq utzilal rumal (Isa 11:6-9; 35:5, 6; 65:21-23; Jn 3:16). Are kʼu xaq xiw ta ri ajyaʼol ri chʼabʼal kkunik keʼutoʼ ri kepe pa wajun qʼij riʼ che sibʼalaj nim ubʼanik. Oj xuqujeʼ kojkunik kqaya jun utzalaj kipetik ronojel ri keʼopanik (Ro 15:7). Chqilaʼ jujun pixabʼ rech kojkun che ubʼanik.

• Are ta katkubʼe che reyexik chiʼ kumaj ri riqbʼal ibʼ, chayaʼ utz kipetik ri winaq che xyaʼ jun sikʼinik chke xuqujeʼ ri e opaninaq ta chi pa ri riqbʼal ibʼ. Chattzeʼn kukʼ ri winaq xuqujeʼ chatchʼaw rukʼ utz taq tzij.

• Qas chawilaʼ ri winaq che xeʼasikʼij at, are kʼu xuqujeʼ chawilaʼ ri winaq che keʼopanik rumal che xyaʼ jun wuj re sikʼinik chke. Chabʼij che, che kkubʼeʼ awukʼ xuqujeʼ chaqajaʼ ri aBiblia che xuqujeʼ ri awuj re bʼixonem.

• Chiʼ kʼisnaq chi ri chʼabʼal, chataʼ che ri winaq we kʼo upregunta. Are kʼu we ri congregación che katbʼe wi rajawaxik kel lo chanim rech kok chi jun chik, chabʼij che ri winaq che kixtzijon chi pa jun qʼij. Kuya kabʼij che: «Kwaj kwetaʼmaj ri kachomaj chrij ri xyaʼ ubʼixik. ¿Jas kinbʼano rech kuya kintzijon awukʼ?».