Ri folleto Chanimaj ri Ajawaxel bʼanom rech ketijox ri winaq, rukʼ ri utobʼanik ri e wachbʼal, ri qastzij che kʼo pa ri Biblia che nim ubʼanik chke ri winaq che kʼax kkibʼan che usikʼixik uwach wuj. Jujun kʼutunem kʼo pa kebʼ uxaq ri wuj xuqujeʼ kʼo wachbʼal che qas utz uchomaxik bʼanom, rukʼ jun ubʼantajik che kukʼut ri ucholajil ri e wachbʼal rukʼ ri jun chik.

Ri folleto Chanimaj ri Ajawaxel rech kʼo akʼaslemal che kʼot ukʼisik xaq junam ri e wachbʼal che kʼo chupam ri folleto Chanimaj ri Ajawaxel, are kʼu kʼo más texto chupam. Ri e winaq che kekun jubʼiqʼ che ri sikʼinik kekunik kkikʼam ri etaʼmanik rukʼ wajun folleto riʼ. Xuqujeʼ are ri tajin kkikoj ri e qachalal pa neʼ ri ajtijoxel tajin kukoj ri folleto Chanimaj ri Ajawaxel. Pa jujun uxaq rukʼam lo jun alaj recuadro rukʼ nikʼaj chi etaʼmanik rech knikʼox rukʼ ri winaq we qas kajwataj che.

Amaqʼel katkunik katzujuj ri e folletos riʼ, pa neʼ are ta ri ktzujux pa ri ikʼ. Are chiʼ kaya etaʼmanik rech ri Biblia, qas utz chabʼanaʼ che ukojik ri e wachbʼal chiʼ kaya ubʼixik ri kubʼij ri Biblia. Chabʼanaʼ preguntas rech ri ajtijoxel kubʼij ri tajin kretaʼmaj xuqujeʼ qas kuchʼobʼo. Chasikʼij uwach xuqujeʼ chayaʼ ubʼixik ri kubʼij ri textos rech ri Biblia pa ri kʼisbʼal uxaq. Are chi kkʼis rilik uwach ri folleto, chimaj unikʼoxik ri wuj ¿Jas qas kukʼut ri Biblia? rech kqatoʼ ri ajtijoxel che kkʼiy pa ri ukojonik kʼa pa ri qasanjaʼ.