JASCHE NIM UBʼANIK. We ri ajtijoxel kutijoj ribʼ, kʼax ta kubʼan che uchʼobʼik xuqujeʼ unaʼtasaxik ri kqakʼut chuwach. Wariʼ kubʼano che más chanim knimar ri retaʼmabʼal. Are chiʼ ubʼanom chi ri uqasanjaʼ, xuqujeʼ rajawaxik kutijoj ribʼ che ri riqbʼal ibʼ xuqujeʼ che utzijoxik ri utzij ri Dios rech kkʼaskʼatik (Mt 25:13). Rumal laʼ, retaʼmaxik ri kubʼan che utijoxik ribʼ xuqujeʼ che amaqʼel kubʼano, kuya utzilal pa ri ukʼaslemal. Are chiʼ kumaj ri etaʼmanik, rajawaxik kqatoʼ ri ajtijoxel rech amaqʼel kutijoj ribʼ che ri kʼutunem re ri Biblia.

¿JAS KQABAN CHE UBANIK?

• Chayaʼ jun utz kʼutbʼal (Ro 2:21). Chatijoj awibʼ pa kijujunal ri sesión re etaʼmanik xuqujeʼ chatchoman chrij ri kajwataj che ri ajtijoxel (km-S 11/15 pág. 3). Chakʼutuʼ chuwach ri awuj che ajuchʼum chik.

• Rukʼ utz taq tzij chabʼij che, che kutijoj ribʼ. Are chiʼ amaqʼel kukʼam ri etaʼmanik, chabʼij che, che ri utijoxik ibʼ xuqujeʼ kʼo chupam ri tijonik xuqujeʼ chabʼij ri utzilal kuriqo we je kubʼano. Chayaʼ pixabʼ che rech kresaj utiempo che ubʼanik. Jujun qachalal kkiya ri kiwuj che ri ajtijoxel che juchʼum chik are chiʼ tajin kkil ri kʼutunem rech krilo che are más utz. Chabʼij utz taq tzij che are chiʼ kutijoj ribʼ.

• Chakʼutuʼ chuwach ri ajtijoxel ri kubʼan che utijoxik ribʼ. Jujun publicadores kkikoj ri nabʼe taq sesiones re ri etaʼmanik rech kkikʼut chuwach ri ajtijoxel ri kubʼan che utijoxik ribʼ che jun kʼutunem.