JASCHE RAJAWAXIK. Primera a los Corintios are jun chke ri 14 cartas che xutzʼibʼaj Pablo rech xuya kichuqʼabʼ ri e cristianos. Utzʼibʼaxik jun carta kʼo utzilal kuyaʼo: ri ktzʼibʼanik kkunik qas kuchaʼ na ri tzij kukojo, xuqujeʼ ri kopan wi kkunik kusikʼij uwach kʼi mul. Wariʼ qas utz kqakoj che utzijoxik ri utzij ri Dios chke ri e familiares, o winaq che qetaʼm kiwach are kʼu kojkun taj kojtzijon kukʼ. Jun kʼutbʼal, weneʼ kojkun ta chik kojtzalij rukʼ jun winaq che utz xuto o kukʼ ri e kʼo pa apartamentos che chajitalik, o jujun che naj e kʼo wi. ¿Jas rajawaxik knaʼtaj chqe are chiʼ kqatzʼibʼaj carta che jun winaq che qetaʼm ta uwach?

JAS KBʼAN CHE

• Chatzʼibʼaj ri kabʼij che ri winaq wet katkunik kattzijon rukʼ. Nabʼe chatzʼibʼaj jachin ri at xuqujeʼ ri rumal che katzʼibʼaj ri carta. Tekʼuriʼ, utz kabʼan jun pregunta rech ri winaq kchoman chrij xuqujeʼ kaya ubʼixik ri qakʼolbʼal pa Internet. Katkunik katchʼaw chrij ri Etaʼmanik pa Internet (majaʼ na pa quiché) o ri e tijonik che kyaʼ chke ri winaq cho kachoch xuqujeʼ ubʼiʼ jun kʼutunem re jun wuj che kqakoj che tijonik. Rukʼ ri carta, utz kaya jun tarjeta re contacto, jun wuj re sikʼinik o jun tratado.

• Kʼi ta tzij katzʼibʼaj. Weneʼ kkos ri winaq che usikʼixik are chiʼ majaʼ kukʼis usikʼixik (chawilaʼ ri kʼutbʼal).

• Chawilaʼ che pa ri carta kʼo ta xatsach che utzʼibʼaxik, kʼax ta usikʼixik, kʼo utz taq tzij chupam xuqujeʼ kubʼano che ri winaq kunaʼo che nim kawil wi. Chawilaʼ che are ta ri winaq ktojow ri carta.