QAKʼASLEMAL RI OJ CRISTIANOS
Chqabʼanaʼ más utz che ri qachak: Chatzijoj ri utzij ri Dios chke ri winaq che kekaʼy taj
¿JASCHE NIM UBʼANIK? E kiʼ winaq che kekaʼy taj utz ta kkinaʼ ketzijon kukʼ winaq che ketaʼm ta kiwach. Rumal laʼ rech kqatzijoj ri utzij ri Dios chke rajawaxik kqetaʼmaj ri kqabʼan che kiriqik. Jehová keraj ri winaq che kekaʼy taj xuqujeʼ kel ukʼuʼx chke (Le 19:14). Chqesaj uwach ri Jehová xuqujeʼ cheqatoʼ ri winaq rech kketaʼmaj uwach.
¿JAS KQABʼAN CHE UBʼANIK?
-
Cheʼatzukuj. (Mt 10:11). ¿La kʼo jun winaq awetaʼm uwach che kʼo jun ufamiliar che kekaʼy taj? ¿La kʼo escuelas e ja o jujun instituciones che kekaj ri wuj che bʼanom chke ri winaq che kekaʼy taj?
-
Chakʼutuʼ che nim keʼawil wi. We rukʼ utz taq tzij kachʼabʼej ri winaq xuqujeʼ kakʼutu che nim kawilo, katutatabʼej riʼ. Chatzijoj jun jastaq che kajwataj chke.
-
Cheʼatoʼ che retaʼmaxik uwach ri Jehová. Rech keʼatoʼ ri winaq che qas ta kekunik kekaʼyik, ri utinamit ri Dios ubʼanom kʼi taq wuj chke ri e winaq riʼ. Chataʼ che ri winaq jas ubʼanik ri wuj kraj. Ri superintendente de servicio rajawaxik krilo che ri siervo de publicaciones kutaʼ ri e wuj che kraj ri winaq che kkun taj kkaʼyik.
