29 re abril kopan 5 re mayo
SALMOS 34, 35
Bʼixonem 10 xuqujeʼ chʼawem | Nabʼe taq tzij (1 min.)
1. «Kintewichiʼj na ri Ajawaxel pa konojel joqʼotaj»
(10 mins.)
Ri David xuya uqʼij ri Jehová y amaqʼel xubʼano paneʼ xqʼax pa nimaʼq taq kʼax (Sl 34:1; w07 1/3 22 párr. 11).
Ri David rukʼ kikotemal xuya ubʼixik chrij ri Jehová y xubʼan ta nimal rukʼ ri xkun che ubʼanik (Sl 34:2-4; w07 1/3 22 párr. 13).
Rumal che ri David xuya uqʼij ri Jehová, xukowirisaj ri kikojonik ri rachiʼl (Sl 34:5; w07 1/3 23 párr. 15).
Are chiʼ ri Jehová xutoʼ ri David pa uqʼabʼ ri Akís che xuqujeʼ kbʼix Abimélec che, e 400 achijabʼ che kekikot ta rukʼ ri uqʼatbʼal tzij ri Saúl xebʼe rukʼ ri David pa ri desierto (1Sa 22:1, 2). Weneʼ ri David tajin kchoman chkij ri e areʼ are chiʼ xutzʼibʼaj wajun salmo riʼ (Sl 34, encabezamiento).
CHACHOMAJ: «Are chiʼ kintzijon rukʼ jun qachalal pa ri jun chi riqbʼal ibʼ, ¿jas kinkunik kinbʼij che rech kinya uqʼij ri Jehová?».
2. Jeʼlalaj taq pixabʼ
(10 mins.)
-
Sl 35:19. ¿Jas kraj kubʼij are chiʼ ri David xutaʼ che ri Jehová che kuya ta bʼe che ri e ukʼulel «[k]kiyuchʼ kibʼaqʼwach»? (w06 15/5 20 párr. 2).
-
¿Jas xawetaʼmaj pa ri capítulos re wajun semana riʼ?
3. Usikʼixik uwach ri Biblia
(4 mins.) Sl 34:1-22 (th kʼutunem 5).
4. Chamajij tzijonem
(2 mins.) PREDICACIÓN INFORMAL. Ri tzijonem xkʼisik y xatkun taj xattzijon chrij ri Biblia (lmd kʼutunem 1 punto 4).
5. Chattzalij chi jumul rukʼ ri winaq
(4 mins.) PREDICACIÓN INFORMAL. (lmd kʼutunem 2 punto 4).
6. Chaqʼalajisaj ri akojonik
(5 mins.) Kʼutbʼal re utzijoxik ri utzij ri Dios. ijwfq 59. Ubʼiʼ: ¿Jas rajawaxik kechoman ri testigos rech Jehová chrij we kkibʼan jun nimaqʼij? (th kʼutunem 17).
Bʼixonem 59
7. Oxibʼ jastaq che kqabʼan pa ri e riqbʼal ibʼ rech kqaya uqʼij ri Jehová
(15 mins.) Rilik kukʼ ri qachalal.
Ri e qariqbʼal ibʼ kuya bʼe chqe che kqaya uqʼij ri Jehová. Chqilaʼ jas kqabʼan che ubʼanik.
Are chiʼ kojtzijon kukʼ ri nikʼaj chik: Are chiʼ kojtzijon kukʼ nikʼaj chik, chqayaʼ ubʼixik che sibʼalaj utz ri Jehová (Sl 145:1, 7). ¿La qatom o qasikʼim jun jastaq che xuya tobʼanik chqe? ¿La qariqom jun utzalaj experiencia are chiʼ xqatzijoj ri utzij ri Dios? ¿La uyaʼom qachuqʼabʼ ri kitzij o ri xkibʼan ri nikʼaj chik? ¿La xqamay jun jastaq che ubʼanom ri Dios? Ronojel waʼ taq jastaq are usipanik ri Jehová (Snt 1:17). Kojkunik kojtzijon chrij wariʼ we oj kʼo chik are chiʼ majaʼ kumaj ri riqbʼal ibʼ.
Are chiʼ kyaʼ comentarios: Chqakojoʼ qachuqʼabʼ che uyaʼik paneʼ xa jun comentario pa ri riqbʼal ibʼ (Sl 26:12). Kojkunik kqaya urespuesta ri nabʼe pregunta che kbʼanik o ri ukabʼ pregunta, xuqujeʼ kojkunik kojchʼaw chrij jun texto, jun wachbʼal o ri kojutoʼ wi pa ri qakʼaslemal jun pixabʼ. Utz che kqatzukuj kebʼ oxibʼ qacomentarios rumal che weneʼ e kʼi qachalal kkiyak kiqʼabʼ. Chnaʼtaj chqe che xa 30 segundos o kraj na jubʼiqʼ kuchʼij ri qacomentarios, je wariʼ e kʼi qachalal kekunik kkiya «qʼijilanik» che ri Dios rukʼ ri kicomentarios (Heb 13:15).
Pa ri e bʼixonem: Rukʼ kikotemal chojbʼixonoq (Sl 147:1). Weneʼ kyaʼ ta qacomentario pa ri e riqbʼal ibʼ, más na we e kʼi e kʼo pa ri congregación. Are kʼu kojkunik kqabʼixoj ri bʼixonem rukʼ ronojel qachuqʼabʼ. Paneʼ kqachomaj che utz ta kel qumal ri bʼixonik, are kʼu sibʼalaj kkikot riʼ ri Jehová we kojbʼixon rukʼ ronojel qanimaʼ (2Co 8:12). Are kʼu rajawaxik che kqatijoj qibʼ pa qachoch.
Chakojoʼ ri VIDEO Ri xbʼan ojer y ri kbʼan kimik: E bʼixonem che kuya uqʼij ri Jehová (nabʼe uchʼaqapil). Tekʼuriʼ chabʼanaʼ ri pregunta riʼ:
¿Jas qabʼanom lo che ukʼutik che sibʼalaj nim ubʼanik chqawach uyaʼik uqʼij ri Jehová are chiʼ kojbʼixonik?
8. Etaʼmabʼal chrij ri Biblia rech ri congregación
(30 mins.) bt kʼutunem 9 párrs. 1-7, nabʼe taq tzij re ri sección 3 xuqujeʼ ri recuadro re ri pág. 70.
