Chachomajampeʼ ri xunaʼ ri Jesús pa ri transfiguración are chiʼ xuta ri Utat kʼo pa ri kaj xubʼij lo che kqaj chuwach. Qastzij wiʼ, wariʼ xuya uchuqʼabʼ rech kuchʼij ronojel ri kʼax kukʼulmaj na. Wajun kʼulwachinik riʼ xuqujeʼ kʼo xubʼan pa kikʼaslemal ri Pedro, Santiago xuqujeʼ Juan. Xubʼano che kkikojo che Jesús qas are ri Mesías xuqujeʼ che sibʼalaj utz che xeʼux rajtijoxelabʼ. Weneʼ qʼaxinaq chi treinta y dos junabʼ, knaʼtaj na che ri Pedro che wajun bʼantajik riʼ sibʼalaj xuya uchuqʼabʼ ri ukojonik chrij ri utzij ri Dios bʼim kan kumal «ri qʼaxal taq tzij» (2Pe 1:16-19).
Pa neʼ oj xojkun taj xqil ri kʼulwachinik che sibʼalaj nim ubʼanik, tajin kqil kimik che tajin kbʼan ri xbʼix kan ojer. Kimik, Jesús are chi jun Ajawinel nim uchuqʼabʼ. Xa jubʼiqʼ chi kraj kchʼakanik xuqujeʼ kubʼano che kkʼojiʼ jun kʼakʼ uwach Ulew che kʼo sukʼilal chupam (Ap 6:2).
¿Jas ubʼanom che uyaʼik uchuqʼabʼ ri akojonik rilik che bʼanom ri bʼim kanoq?
