Ri loqʼoqʼebʼal are kbʼanowik che kʼo utzilal pa ri familia. We kʼo ta loqʼoqʼebʼal kekun ta riʼ kechakun pa junamil. ¿Jas kkibʼan ri achajilaxelabʼ, ri ixoqilaxelabʼ y ri e tat nan rech kkiloqʼoqʼej kibʼ pa ri familia?

Jun utzalaj achi kchoman riʼ chrij ri rajawaxik che ri rixoqil, ri kuchomaj y ri kunaʼo (Ef 5:28, 29). Areʼ kilow ri rajawaxik chke ri e kʼo pa ri ufamilia, ri kkitijo, ri kkikojo y ri rajawaxik chke pa ri kikojonik junam rukʼ ri Qʼijilanik pa ri Familia (1Ti 5:8). Jun utzalaj ixoq nim «kril wi ri rachajil» y kunimaj riʼ ri kbʼix che (Ef 5:22, 33; 1Pe 3:1-6). Ri e kebʼ rajawaxik kkikuyula kimak chbʼil kibʼ (Ef 4:32). Ri e utz taq tat nan kekichajij ri kalkʼwal y kkikʼut chkiwach che rajawaxik kkiloqʼoqʼej ri Jehová (Dt 6:6, 7; Ef 6:4). Paneʼ ri akʼalabʼ kʼo jujun kʼax kkiriq pa ri tijobʼal, junam rukʼ che ketaq kumal ri e kachiʼl che ubʼanik jastaq che utz taj, we kʼo loqʼoqʼebʼal pa ri familia kekunik kkichʼijo.

ARE CHIʼ AWILOM CHI RI VIDEO CHQAKʼUTUʼ RI LOQʼOQʼEBʼAL CHE KSACH TA UWACH PA RI FAMILIA, CHATZALIJ KIWACH RI PREGUNTAS RIʼ:

• ¿Jas kubʼan jun utzalaj achi che uchajixik ri rixoqil rukʼ loqʼoqʼebʼal?

• ¿Jas kubʼan ri ixoq che ukʼutik che nim kril wi ri rachajil?

• ¿Jas kkibʼan ri e tat nan rech kkikʼut uloqʼoqʼexik ri Dios chkiwach ri kalkʼwaʼl?