Are chiʼ kqabʼan revisitas o kqaya etaʼmanik re ri Biblia chke ri e winaq, rajawaxik keqatoʼo rech kkichʼobʼ ri e chomanik nim kibʼanik pa ri kʼutunem. We kqakoj kʼutbʼal y kʼambʼal noʼj are chiʼ keqatijoj ri winaq qas kopan riʼ pa kanimaʼ ri kqabʼij chke y ksachan ta chke ri kketaʼmaj.

Are chiʼ tajin katijoj awibʼ jas kabʼan che ubʼanik jun revisita o uyaʼik jun etaʼmanik re ri Biblia, are chatchoman chrij ri chomanik nim ubʼanik che kawaj kakʼutu, are ta ri chomanik che qas ta nim ubʼanik kʼo pa ri kʼutunem. Tekʼuriʼ chatchoman chrij ri kʼutbʼal y kʼambʼal noʼj che kʼo ubʼanik rukʼ ri jastaq che kkibʼan ri e winaq ronojel qʼij (Mt 5:14-16; Mr 2:21; Lu 14:7-11). Chatchoman chrij ri jastaq che retaʼm chi ri winaq y chrij ri tajin kukʼulmaj pa ri ukʼaslemal (Lu 5:2-11; Jn 4:7-15). Sibʼalaj katkiʼkot riʼ we kawilo che ri winaq tajin kaya etaʼmanik re ri Biblia che, sibʼalaj kakiʼkotik rumal che xuchʼobʼ jun kʼutunem re ri Biblia xakʼut chuwach.

ARE CHIʼ AWILOM CHI RI VIDEO UBʼANIK TIJOXELABʼ KUYA KIKOTEMAL. CHQABʼANAʼ MÁS UTZ CHE RI QACHAK: CHEQATIJOJ RI WINAQ RUKʼ KʼUTBʼAL XUQUJEʼ KʼAMBʼAL NOʼJ, CHATZALIJ KIWACH RI PREGUNTAS RIʼ:

• ¿Jasche ri e winaq weneʼ kkaj ketoʼik rech kkichʼobʼ ri kukʼut jun texto re ri Biblia?

• ¿Jas jun kʼutbʼal xukoj ri al Rita rech xuqʼalajisaj ri kukʼut Romanos 5:12?

• ¿Jas tobʼanik kuya che ri winaq ri kʼambʼal noʼj che qas utz kbʼan che ukojik?

• ¿Jasche utz kqakoj ri videos y ri nikʼaj chi jastaq che tajin kukoj ri utinamit ri Jehová kimik are chiʼ kqaya tijonik re ri Biblia?