We kqabʼan ri jastaq rukʼ ronojel qanimaʼ ri e winaq qas kojkitatabʼej. Xuqujeʼ are chiʼ rukʼ ronojel qanimaʼ kqaya ubʼixik jun jastaq, kqakʼutu che nim kqil ri kqaya ubʼixik. Qonojel kojkunik kqabʼan ri jastaq rukʼ ronojel qanimaʼ, apachiʼtaneʼ kojel wi y apastaneʼ ri qabʼantajik (Ro 12:11). ¿Jas kqabʼan che ubʼanik?

Nabʼe, chatchoman chrij. ¿La nim ubʼanik ri tajin katzijoj? Nim, rumal che tajin katzijoj «utzalaj taq» jastaq (Ro 10:15). Ukabʼ, chatchoman chrij ri utzilal kuya chke ri kattatabʼenik. Ri e winaq rajawaxik chke ri e tzij tajin kqatzijoj (Ro 10:13, 14). Chukʼisbʼal, chakʼutu rukʼ ri kabʼan che ri apalaj y ri kabʼan che ukojik ri aqʼabʼ che rukʼ ronojel awanimaʼ tajin katchʼawik.

ARE CHIʼ AWILOM CHI RI VIDEO UBʼANIK TIJOXELABʼ KUYA KIKOTEMAL. CHQABʼANAʼ MÁS UTZ CHE RI QACHAK: CHEQATIJOJ RI WINAQ RUKʼ RONOJEL QANIMAʼ, CHATZALIJ KIWACH RI PREGUNTAS RIʼ:

• ¿Jasche ri al Rita rukʼ ta chi ronojel ranimaʼ kraj kuya ri tijonik che ri al Coral?

• ¿Jas xtoʼw ri al Rita rech jumul chik rukʼ ronojel ranimaʼ xutoʼ ri al Coral?

• ¿Jasche are utz kojchoman chrij ri utz taq kibʼantajik ri e winaq che kojtatabʼenik?

• ¿Jas utzilal kuya chke ri winaq ri kqaya tijonik chke y e nikʼaj chik we kqabʼan ri jastaq rukʼ ronojel qanimaʼ?