Ri winaq che tajin kketaʼmaj chrij ri Biblia qukʼ, rajawaxik kkinimarisaj ri kikojonik chrij ri Dios rech keqaj chuwach (Heb 11:6). Ri wuj Kʼaslemal kʼo ta ukʼisik kojutoʼo rech kopan pa kanimaʼ ri winaq ri kqakʼut chkiwach. Chupam, e kʼo textos che qas keʼutoʼ ri winaq, chomanik che qas kchʼobʼotajik, utz taq preguntas, jeʼlikalaj taq wachbʼal y videos. We keqatoʼ ri tijoxelabʼ rech kkʼojiʼ utz taq kibʼantajik y keʼux rachiʼl ri Dios, kkowir ri kikojonik y kqaj ta kichuqʼabʼ paneʼ kkiriq kʼax (1Co 3:12-15).

E jujun winaq kkibʼij che kekun taj keʼux rachiʼl ri Dios rumal che kkil ta uwach. Rumal laʼ rajawaxik keqatoʼ che retaʼmaxik uwach ri Jehová y kkikubʼsaj kikʼuʼx chrij.

ARE CHIʼ AWILOM CHI RI VIDEO CHAKOWIRISAJ RI KIKOJONIK RI WINAQ CHRIJ RI JEHOVÁ RUKʼ RI WUJ «¡JUN KʼASLEMAL CHE KʼO TA UKʼISIK!», CHATZALIJ KIWACH RI PREGUNTAS RIʼ:

• ¿Jasche qetaʼm che ri qachalal qas utijom bʼi ribʼ che uyaʼik ri etaʼmanik re ri Biblia?

• ¿Jas nikʼaj chi preguntas xubʼan ri qachalal rech ri tijoxel xubʼij ri kuchomaj are chiʼ xkisikʼij uwach Isaías 41:10, 13?

• ¿Jas tobʼanik xuya ri video y ri versículos re ri Biblia che ri tijoxel?

E kʼi winaq kkichʼobʼ taj jas ubʼanik ri tojbʼal mak y kkichomaj taj che are jun sipanik che uyaʼom ri Dios chke (Gál 2:20). Rumal laʼ utz che keqatoʼo rech kekojon chrij ri tojbʼal mak che xuya ri Jesús.

ARE CHIʼ AWILOM CHI RI VIDEO CHAKOWIRISAJ RI KIKOJONIK RI WINAQ CHRIJ RI JESÚS RUKʼ RI WUJ ¡JUN KʼASLEMAL CHE KʼO TA UKʼISIK!, CHATZALIJ KIWACH RI PREGUNTAS RIʼ:

• ¿Jasche qetaʼm che ri qachalal qas utijom bʼi ribʼ che uyaʼik ri etaʼmanik re ri Biblia?

• ¿Jas xubʼan che ukojik ri kʼo chupam ri sección «Chawilaʼ chi nikʼaj» rech xutoʼ ri tijoxel?

• ¿Jasche nim ubʼanik che ri tijoxel kubʼan ri uchʼawem?