Are chiʼ más knaqajin ri kʼisbʼal taq qʼij kpe más kʼax, terrorismo y chʼoj (Ap 6:4). ¿Jas kqabʼano rech kqetaʼmaj ri kqabʼan chuwach jun kʼax?

• Chanimarisaj ri akojonik. Chatchoman chrij ri pixabʼ che kʼo pa riʼ uTzij ri Dios rech kakubʼsaj akʼuʼx chrij ri Jehová y chrij ri utinamit, rech ko kattakʼiʼ pa ri akojonik (Pr 12:5; jr-S 125, 126 párrs. 23, 24). Rumal laʼ, utz che kimik kkʼojiʼ jun utzalaj qachilanik kukʼ ri e qachalal pa ri congregación (1Pe 4:7, 8).

• Chakʼoloʼ jastaq che kajwataj chawe. Chakʼoloʼ nikʼaj jastaq che ktijowik y chachomaj ri rajawaxik kabʼano we katel bʼi pa ri awachoch. Y chachomaj jawiʼ kimulij wi iwibʼ, chawilaʼ ri kʼo pa ri amochila re emergencia y chakʼoloʼ jastaq che kajwataj chawe (pwaq, mascarillas, guantes, etc.). Chakʼoloʼ ri kinúmero re teléfono ri e kʼamal bʼe y chayaʼ ri anúmero chke (Is 32:2; g17.5-S 3-7).

Are chiʼ tajin kbʼan chʼoj pa ri atinamit, chabʼanaʼ ri jastaq che kajwataj pa ri akojonik (Flp 1:10). We rajawaxik ta jun jastaq chawe katel ta bʼi pa ri awachoch (Mt 10:16). Chawilaʼ ri kʼo awukʼ rech keʼatoʼ ri nikʼaj chik (Ro 12:13).

ARE CHIʼ AWILOM CHI RI VIDEO ¿JAS KQABʼANO CHIʼ XAQ KʼATEʼ KKʼULMATAJ JUN KʼAX?, CHATZALIJ KIWACH RI PREGUNTAS RIʼ:

• ¿Jas kubʼan ri Jehová che qatoʼik are chiʼ kʼo jun kʼax?

• ¿Jas jastaq rajawaxik kqabʼano rech kqatijoj qibʼ?

• ¿Jas kqabʼan che kitoʼik ri e nikʼaj chik?