QAKʼASLEMAL RI OJ CRISTIANOS
Chqabʼanaʼ más utz che ri qachak: Chatzijoj ri utzij ri Dios pa teléfono
¿JASCHE NIM UBʼANIK? Ri utzijoxik ri utzij ri Dios pa teléfono xuqujeʼ kojutoʼo rech utz «uqʼalajisaxik ri utzalaj taq tzij» kqabʼano (Hch 20:24). * Kojutoʼo rech kqatzijoj ri utzij ri Dios chke winaq che rumal jalajoj taq jastaq kojkun taj kojopan cho kachoch.
¿JAS KQABʼAN CHE UBʼANIK?
-
Chatijoj awibʼ. Chatzukuj jun utz kʼutunem. Tekʼuriʼ chatzʼibʼaj chuwach jun wuj ri kawaj kabʼij chke ri winaq. Xuqujeʼ, chatzʼibʼaj kebʼ oxibʼ tzij che kawaj kabʼij, we are jun contestador automático kchʼawik. Utz we kaya ri wuj che atzʼibʼam wi ri kawaj kabʼij puwiʼ ri mesa y nikʼaj chi jastaq che kajwataj chawe, junam rukʼ jun dispositivo electrónico che kʼo JW Library® o jw.org® chupam.
-
Kaxibʼij ta awibʼ. Chattzeʼnoq xuqujeʼ chattzijon rukʼ ri winaq jetaneʼ che at kʼo rukʼ. Kaya ta uxoʼl ri atzij. Utz we kʼo jun awachiʼl awukʼ. We ri winaq kubʼan jun pregunta chawe, chakamulij ubʼixik rech ri awachiʼl kuto y katutoʼ che utzukuxik ri respuesta.
-
Chaya kan jun pregunta rech kachʼabʼej chi jumul ri winaq. We utz xuta ri winaq ri xabʼij che, chaya kan jun pregunta rech kaya ri urespuesta pa ri jun chi mul che kachʼabʼej. Katkunik kabʼij che ri winaq che kawaj kataq bʼi jun wuj che pa correo, pa Internet o kayaʼa kan che. Xuqujeʼ katkunik kataq bʼi jun video o jun artículo che, pa mensaje o correo electrónico. We ri winaq utz krilo chabʼij che, che kril ri qasitio de Internet.
^ párr. 3 We pa ri atinamit katkunik katzijoj ri utzij ri Dios pa teléfono, chanimaj ronojel ri taqanik che uyaʼom ri qʼatbʼal tzij che keʼuchajij ri winaq.
