Utzijoxik utzij ri Dios rajawaxik chanim kbʼanik, rumal che ri nimalaj kʼax más naqaj chi kʼo wi (Pr 24:11, 12, 20). Jun chke ri kqabʼan che kitoʼik ri winaq are che kqakoj ri tarjetas re jw.org, che kutoʼ ri winaq che ukojik ri Utzij ri Dios xuqujeʼ ri qakʼolbʼal pa Internet. Pa ri tarjetas kʼo jun código che kukʼam bʼi ri winaq rech kril ri video ¿Jasche kqetaʼmaj chrij ri Biblia? xuqujeʼ rech kkunik kutaʼ jun etaʼmanik chrij ri Biblia. E kʼo winaq che kkaj taj kketaʼmaj más chrij ri wuj che kqajacho, are kʼu kkaj kkikoj ri qakʼolbʼal pa Internet jw.org. We jeʼ kkʼulmataj waʼ, utz che kqaya kan ri tarjeta chke. Are kʼu, kqaya ta kan ri tarjetas chke ri kkaj taj kkitatabʼej ri utzij ri Dios.

Are chiʼ kqabʼan ri qachak re ronojel qʼij, kojkunik kqabʼan chke ri winaq che kkaj kketaʼmaj ri utzij ri Dios are kqabʼij: «Kwaj kinya wajun alaj tarjeta riʼ chawe. Chuwach kʼo jun página rech Internet che kariq etaʼmanik xuqujeʼ videos che tojom taj che kchʼaw chrij jalajoj kʼutunem» (Jn 4:7). Rumal che ri tarjetas e nimaʼq taj, kojkunik amaqʼel kqakʼam bʼik rech kqakojo are chi kuyaʼo kqabʼano.