Ri qajachom chi ri qakʼaslemal che ri Jehová xuqujeʼ qabʼanom chi qaqasanjaʼ, qariqom jun nimalaj eqelen: che kkʼojiʼ jun utzalaj qachilanik rukʼ ri qaTat Jehová. Ri Dios xukoj ri ukʼojol rech kojqebʼ rukʼ ri areʼ xuqujeʼ kuta ri qachʼawem (Sl 34:15; Jn 6:44).

¿Jas kqabʼan che uchajixik ri jeʼlalaj qachilanik rukʼ ri Dios? Jun kʼutbʼal, kqabʼan ta ri itzel taq jastaq che xkibʼan ri israelitas. Are chiʼ majaʼ naj kibʼanom chi jun pacto rukʼ ri Jehová, xkibʼan jun tyox che oro y xkiqʼijilaj (Éx 32:7, 8; 1Co 10:7, 11, 14). Chojchoman chrij wariʼ: «¿Jas kinbʼano are chiʼ in kʼo chuwach jun jastaq che utz taj? ¿La kinkʼut rukʼ ri kinbʼano che nim kinwil ri wachilanik rukʼ ri Jehová?». Ri loqʼoqʼenik che kqanaʼ che ri qaTat che kʼo pa ri kaj kubʼano che kqabʼan ta jastaq che itzel krilo (Sl 97:10).

ARE CHIʼ AWILOM CHI RI VIDEO CHQACHAJIJ RI QACHILANIK RUKʼ RI JEHOVÁ (COL 3:5), CHATZALIJ KIWACH RI PREGUNTAS RIʼ:

• ¿Jas riʼ ri codicia?

• ¿Jasche rajawaxik kqaya kan kirayixik ri jastaq xuqujeʼ kiqʼijilaxik ri tyox?

• ¿Jas kjunamataj wi ri adulterio rukʼ kiqʼijilaxik tyox?

• ¿Jasche rajawaxik che ri kʼo keqelen pa ri congregación ksach ta chke ri kajwataj che ri kikʼulaj?