Ukojik kʼi tzij. Kachomaj taj che at kaya ubʼixik ronojel. Jesús xukoj preguntas che kitoʼik ri e winaq rech qas kkichʼobʼ ri kbʼix chke (Mt 17:24-27). Ri e preguntas sibʼalaj utz kubʼan che ri etaʼmanik xuqujeʼ katkunik kawil ri kukoj ri ajtijoxel xuqujeʼ we kuchʼobʼ ri kbʼix che (be-S pág. 253 párrs. 3, 4). Are chiʼ kabʼan jun pregunta, chkʼol apaciencia xuqujeʼ chaweyeʼj ri ajtijoxel che kutzalij uwach ri pregunta. We kuchʼobʼ ta ri pregunta, kabʼij ta che ri kraj kubʼij; xa ne chabʼanaʼ chi nikʼaj preguntas che rech kuchʼobʼ ri kubʼij ri pregunta (be-S pág. 238 párrs. 1, 2). Nojimal kattzijon rukʼ ri ajtijoxel rech kuchʼobʼ ri kʼakʼ etaʼmanik (be-S pág. 230 párr. 4).

Kʼax uchʼobʼik ri kqabʼij. Kabʼij ta ronojel ri awetaʼm chrij jun kʼutunem (Jn 16:12). Qas chachomaj ri kubʼij ri párrafo (be-S pág. 226 párr. 4, pág 227 párr. 1). Ubʼixik kʼi tzij, pa neʼ sibʼalaj nim ubʼanik wariʼ kubʼano che kchʼobʼotaj ta ri kubʼij ri párrafo (be-S pág. 235 párr. 3). We ri ajtijoxel xkunik xuchʼobʼo, chatqʼax chi pa ri jun chi párrafo.

Xaq xiw ta kakoj ri pregunta re ri kʼutunem. Ri kqaj kqabʼano are che kopan ri etaʼmanik pa kanimaʼ, xaq xiw ta kasikʼij uwach ri wuj (Lu 24:32). Are qas utz ukojik ri Utzij ri Dios chabʼanaʼ are chi’ kasikʼij uwach ri texto che qas taqal che ri kʼutunem (2Co 10:4; Heb 4:12; be-S pág. 144 párrs. 1-3). Chakojoʼ kʼutbʼal che kʼax ta uchʼobʼik (be-S pág. 245 párrs. 2-4). Chatchoman chrij ri kʼax kkiriq pa kijujunal ri ajtijoxelabʼ xuqujeʼ chrij ri kikojonik, xuqujeʼ chakʼutuʼ ri etaʼmanik che qas kajwataj chke. Chabʼanaʼ preguntas chke junam rukʼ wariʼ: «¿Jas kachomaj chrij ri xawetaʼmaj kimik? ¿Jas kukʼut chnuwach chrij ri Jehová? ¿La kakojo che kuya utzilal chawe we kakoj ri e pixabʼ riʼ pa ri akʼaslemal?» (be-S pág. 238 párrs. 3-5; pág. 259 párr. 1).