Jun etzʼanel rajawaxik kutijoj ribʼ rech kʼo uchuqʼabʼ ri ucuerpo. Junam rukʼ, oj rajawaxik amaqʼel kqatijoj ri retaʼmabʼal qakʼuʼx rech utz kqabʼan che uchaʼik jun jastaq (Heb 5:14). Weneʼ kqilo che are utz kqesaj uwach ri kkibʼan ri nikʼaj chik, are kʼu rajawaxik oj kojchomanik y kojchaʼow ri kqaj kqabʼano. ¿Jasche? Rumal che chqajujunal kqaya na ubʼixik jas ri xqabʼano (Ro 14:12).

Kqachomaj taj che utz kqabʼan che uchaʼik ri jastaq xa rumal che kʼi chi junabʼ qapatanim ri Jehová. Rech kqachaʼ utz taq jastaq pa qakʼaslemal rajawaxik kqakubʼsaj qakʼuʼx chrij ri Jehová, chrij ri utzij y chrij ri utinamit (Jos 1:7, 8; Pr 3:5, 6; Mt 24:45).

ARE CHIʼ AWILOM CHI RI VIDEO «CHITIJOJ RI RETAʼMABʼAL IKʼUʼX», CHATZALIJ KIWACH RI PREGUNTAS RIʼ:

• ¿Jas rajawaxik xuchaʼ ubʼanik ri qachalal Emma?

• ¿Jasche utz taj kqabʼij che jun chik we ri kuchaʼ ubʼanik kʼo kril rukʼ ri retaʼmabʼal ukʼuʼx?

• ¿Jas pixabʼ xkiya jun kʼulaj che ri qachalal Emma?

• ¿Jawiʼ xuriq wi ri qachalal Emma ri pixabʼ che xajwataj che?