Kqaj kqajaj ri ijaʼ rech ri qastzij che xqatik kanoq (1Co 3:6). We kqariq jun winaq che utz kril ri qastzij, are utz che kqaya kan ubʼixik jun pregunta rech kojkunik kojtzalij chi jumul rukʼ winaq. Wariʼ kubʼano che ri winaq kchoman chrij xuqujeʼ kubʼano che kʼax ta kqariqo chiʼ kqatijoj kibʼ chrij ri kqabʼano chi kqasolij chi jumul jun winaq. Chiʼ kojtzalij rukʼ ri winaq kuya kqabʼij che, che xojopan che ubʼixik chrij ri pregunta che xojchʼaw chrij.

• Chiʼ kachomaj ri kabʼij chiʼ katbʼe chuchiʼ taq ja, chatchoman chrij jun pregunta che kawaj katchʼaw chrij pa jun qʼij chik. Chachaʼ jun pregunta che kyaʼ ubʼixik chrij pa ri wuj che kawaj kakoj pa ri qʼij che katzijoj ri utzij ri Dios. Xuqujeʼ katkunik kawesaj pa ri e wuj che kqakoj che kitijoxik ri winaq rech kakʼut ri wuj chiʼ kasolij chi jumul ri winaq.

• Chiʼ kqatanabʼaʼ ri tzijonem rukʼ ri winaq che utz kuta ri xqatzijoj, chqabʼij che kqaj kojtzalij rukʼ rech kojtzijon chi jumul rukʼ xuqujeʼ chqabʼij kan ri pregunta che kqaj kqaya ubʼixik chiʼ kojtzalijik. We kuya chataʼ ri ubʼiʼ xuqujeʼ ri lugar jachiʼ kel wi.

• We xabʼij che kattzalij pa jun hora, chabʼanaʼ ri kabʼij (Mt 5:37).