Pa neʼ ri uyakik ri rachoch Dios pa Israel xkoj nim chuqʼabʼ xuqujeʼ nim pwaq che, ri israelitas rukʼ ronojel kanimaʼ xetobʼan che wajun chak riʼ (1Cr 29:2-9; 2Cr 6:7, 8). Tekʼuriʼ, ri xkibʼan ri israelitas che uchajixik ri rachoch Dios xukʼut ri ubʼanom ri kikojonik (2Re 22:3-6; 2Cr 28:24; 29:3). Kimik, ri cristianos kkikoj nim tiempo xuqujeʼ nim chuqʼabʼ che uyakik, uchʼajchʼobʼexik xuqujeʼ uchajixik ri Ja rech Ajawbʼal xuqujeʼ ri e Ja re nim riqbʼal ibʼ. Ronojel ri e chak riʼ are jun chke ri uyaʼik qʼijilanik che ri Dios. ¡Sibʼalaj nim ubʼanik che kojtobʼan rukʼ ri Jehová rukʼ wajun chak riʼ! (Sl 127:1; Ap 7:15).

• Rajawaxik che pa ronojel riqbʼal ibʼ utz kqabʼan kan che ri Ja rech Ajawbʼal. Chqakojoʼ qachuqʼabʼ pa neʼ xaq xiw kkanaj kan utz xuqujeʼ chʼajchʼoj ri xojtʼuyeʼ wi.

• Sibʼalaj rajawaxik che kojtobʼan che umesik xuqujeʼ uchajixik ri Ja rech Ajawbʼal. We e kʼi ri ketobʼanik más chanim kbʼan ri chak xuqujeʼ kqabʼan rukʼ más kikotemal (lv pág. 92 párr. 18).

• Kojkunik kqaya kuchuj. Jehová nim kril wi ri kuchuj che kqaya rukʼ qanimaʼ, pa neʼ xa «kiʼebʼ alaj taq pwaq» che nim ta rajil (Mr 12:41-44).

• We kojkunik kqabʼano, kojkunik kojtobʼan che uyakik xuqujeʼ usukʼumaxik ri e ja che kkoj che uqʼijilaxik ri Jehová. Rech kojtobʼanik rajawaxik taj che kʼo qetaʼmabʼal chrij ri uyakik ja.