•  Nabʼe taq tzij 2

•  Qʼinomal re ri utzij ri Dios 3-5

  •  Chʼabʼal 3

  •  Jeʼlalaj taq pixabʼ 4

  •  Usikʼixik uwach ri Biblia 5

•  Chojux más utz ajtijabʼ 6-14

  •  Chamajij tzijonem 7

  •  Chattzalij chi jumul rukʼ ri winaq 8

  •  Cheʼatijoj ri winaq 9

  •  Chaqʼalajisaj ri akojonik 10

  •  Chʼabʼal 11

  •  Ri kbʼan che ubʼanik 12

  •  Ri lugares ktzijox wi utzij ri Dios 13

  •  Ri kbʼan che kikojik ri videos y ri e wuj 14

•  Qakʼaslemal ri oj cristianos 15, 16

  •  Etaʼmabʼal chrij ri Biblia rech ri congregación 16

•  Kʼisbʼal taq tzij 17

•  Ri utz xbʼanik y ri rajawaxik ksukʼumaxik 18

•  Tiempo 19

•  Are chiʼ kopan ri solinel re circuito 20

•  Semana rech ri nim riqbʼal ibʼ 21

•  Semana re ri Unaʼtabʼalil ri ukamikal ri Jesús 22

•  Kʼamal bʼe re ri riqbʼal ibʼ Qachak xuqujeʼ Qakʼaslemal 23

•  Ri presidente re ri riqbʼal ibʼ Qachak xuqujeʼ Qakʼaslemal 24

•  Ri yaʼol pixabʼ 25

•  Salas auxiliares 26

•  Videos 27

1. Ri kyaʼ ubʼixik pa wajun wuj keʼutoʼ e juntir ri kʼo kkibʼan pa ri riqbʼal ibʼ Qachak xuqujeʼ Qakʼaslemal ri oj Cristianos. Ri kkiya kiʼasignación rajawaxik kkibʼan ri kubʼij ri wuj Qachak xuqujeʼ Qakʼaslemal ri oj Cristianos: Wuj re chak. Rajawaxik kbʼix chke konojel ri publicadores che kkiqʼaxej kiʼasignaciones. Ri e winaq che amaqʼel keʼopan pa ri riqbʼal ibʼ kekunik kkiya kiʼasignaciones we qas kekojon chrij ri tajin kketaʼmaj pa ri Biblia y we kkibʼan pa kikʼaslemal ri tajin kketaʼmaj. We jun winaq publicador taj kraj kuya uʼasignación pa ri e riqbʼal ibʼ rajawaxik chi ri kʼamal bʼe re ri Qachak xuqujeʼ Qakʼaslemal ri oj Cristianos kchʼaw rukʼ chrij ri rajawaxik kubʼano rech kuya uʼasignación, kʼateʼ kbʼix che we kkunik kuya uʼasignación. Are chiʼ kbʼan ri tzijonem riʼ rajawaxik kkʼojiʼ ri umaestro re ri Biblia rukʼ (o jun chke ri utat unan we Testigo). Xuqujeʼ je kbʼan rukʼ ri kraj kubʼan publicador no bautizado (od kʼutunem 8 párr. 8).

2. Jun minuto. Are chiʼ bʼanom chi ri bʼixonem xuqujeʼ ri chʼawem, ri presidente re ri riqbʼal ibʼ Qachak xuqujeʼ Qakʼaslemal keʼutoʼ ri e kʼo pa ri riqbʼal ibʼ rech qas kechoman chrij ri kyaʼ ubʼixik. Kuqʼalajisaj ri puntos che más ktobʼan che ri congregación.

 3. Chʼabʼal (10 minutos). Pa ri Wuj re chak kriqitaj ri título y kebʼ oxibʼ tzij nim kibʼanik. Wajun chʼabʼal riʼ kyaʼ che jun kʼamal bʼe o jun tobʼanel che qas kkun che ubʼanik. Are chiʼ kmajix rilik jun kʼakʼ wuj re ri Biblia, kkʼut jun video che kutzijoj ri kʼo chupam ri wuj. Ri kyaʼow ri chʼabʼal kukʼut ri ubʼanik ri video rukʼ ri kʼutunem. Are kʼu, qas kukoj uchuqʼabʼ che ukʼutik ri kyaʼ ubʼixik pa ri Wuj re chak. Xuqujeʼ, we kuya tiempo, utz kukoj ri e wachbʼal xuqujeʼ ri e chomanik che esam pa ri wuj. Kuya kukoj jun chi información we kʼo ubʼanik rukʼ wajun kʼutunem riʼ.

 4. Jeʼlalaj taq pixabʼ (10 minutos). Pa wajun asignación riʼ kbʼan preguntas y kyaʼ respuestas, kʼo ta tzij kbʼixik are chiʼ kmajixik xuqujeʼ are chiʼ kkʼisik. Kyaʼ che jun kʼamal bʼe o jun tobʼanel che qas kkun che ubʼanik. Ri kilow wajun chʼaqapil riʼ rajawaxik kubʼan ri kebʼ preguntas. Ri qachalal krilo we rajawaxik o rajawaxik taj ksikʼix uwach ronojel ri versículos. Ri e qachalal rajawaxik kkiya comentarios re 30 segundos o kraj na jubʼiqʼ.

 5. Usikʼixik uwach ri Biblia (4 minutos). Wajun asignación riʼ kyaʼ che jun ala o achi. Kʼo ta utzij kubʼij are chiʼ kumajij y chiʼ kukʼiso. Ri kʼamal bʼe rajawaxik kutoʼ ri qachalal rech utz kubʼan che usikʼixik uwach, junam kubʼan che ubʼixik chiʼ kchʼaw ronojel qʼij, kukʼex uchuqʼabʼ ri uchʼabʼal, kusikʼij uwach rukʼ ronojel ranimaʼ, rukʼ tzʼaqatil, kuya uxoʼl ri e tzij kusikʼij y kuya kichuqʼabʼ ri tzij nim kipatan. Ri kyaʼow ri asignaciones re ri Qachak xuqujeʼ Qakʼaslemal, rajawaxik kchoman chrij ri kkun ri qachalal che ubʼanik rumal che jujun taq mul sibʼalaj kʼi textos re ri Biblia ksikʼix uwach.

6. Quince minutos. Ri upatan wajun sección keʼutoʼ juntir rech más utz kkibʼan che utzijoxik ri utzij ri Dios, rech kkimajij tzijonem kukʼ ri winaq y rech más utz kkibʼan che uyaʼik etaʼmanik re ri Biblia. We kbʼanik, ri e kʼamal taq bʼe xuqujeʼ kekunik kkiya kiʼasignaciones pa wajun sección riʼ. Ri tijoxelabʼ rajawaxik kkibʼan ri kubʼij ri folleto Ajtijabʼ o ri folleto Jun chak re loqʼoqʼebʼal che kʼo pa ri Wuj re chak, ri kʼo pa taq paréntesis. Jujun taq mul kʼo partes che kil kukʼ ri qachalal, rajawaxik jun kʼamal bʼe o jun tobʼanel kbʼanowik (chawilaʼ ri  párrafo 15 rech kawetaʼmaj jas kbʼan che).

 7. Chamajij tzijonem. Kbʼanik kyaʼ wajun asignación che jun ala o ali, achi o ixoq. Rajawaxik chi ufamiliar ri ktobʼan rukʼ, o jun achi rukʼ jun achi o ixoq rukʼ jun ixoq. Utz ketʼuyiʼk o ketakʼiʼk. (Rech kawetaʼmaj más ri kbʼan che ubʼanik y ri lugares ktzijox wi utzij ri Dios chawilaʼ ri  párrafos 12 y  13).

 8. Chattzalij chi jumul rukʼ ri winaq. Kbʼanik kyaʼ wajun asignación che jun ala o ali, achi o ixoq. Rajawaxik kyaʼ ri asignación che jun achi rukʼ jun achi o ixoq rukʼ jun ixoq (km-S 5/97 pág. 2). Utz ketʼuyiʼk o ketakʼiʼk. Ri tijoxel rajawaxik retaʼm chik jas ri kubʼij che ri winaq chiʼ kopan chi jumul rukʼ. (Rech kawetaʼmaj más ri kbʼan che ubʼanik y ri lugares ktzijox wi utzij ri Dios chawilaʼ ri  párrafos 12 y  13).

 9. Cheʼatijoj ri winaq. Kbʼanik kyaʼ wajun asignación che jun ala o ali, achi o ixoq. Rajawaxik kyaʼ ri asignación che jun achi rukʼ jun achi o ixoq rukʼ jun ixoq (km-S 5/97 pág. 2). Utz ketʼuyiʼk o ketakʼiʼk. Wajun asignación xaq jun nitzʼ kʼutbʼal re ri kbʼan pa jun etaʼmanik ri ya majim chik. Rajawaxik taj kabʼij ri iwilom chik, ri kiwil na y juntir ri xiwetaʼmaj, xaq xiw we ri tijoxel tajin kchakun chrij wariʼ. Rajawaxik taj ksikʼix juntir ri kʼo pa ri wuj.

 10. Chaqʼalajisaj ri akojonik. We are jun chʼabʼal, rajawaxik jun ala o achi kyaʼowik. We jun escenificación rajawaxik kyaʼ che jun ala o ali, achi o ixoq. Rajawaxik chi ufamiliar ri ktobʼan rukʼ, o jun achi rukʼ jun achi o ixoq rukʼ jun ixoq. Ri tijoxel rajawaxik rukʼ utz taq tzij ktzijonik y kchʼobʼotaj ri urespuesta ri pregunta kuyaʼo, y rajawaxik kukoj ri referencia. Xuqujeʼ kkunik kubʼij o kubʼij ta ri ubʼiʼ ri wuj che esam wi ri referencia.

 11. Chʼabʼal. Wajun asignación riʼ kyaʼ che jun ala o achi. We ri chʼabʼal esam pa ri apéndice A re ri folleto Jun chak re loqʼoqʼebʼal ri tijoxel rajawaxik kubʼij jas kbʼan che ukojik ri versículos riʼ pa ri predicación. Jun kʼutbʼal, kkunik kuya ubʼixik jas kraj kubʼij jun versículo, jampaʼ rajawaxik kkojik o jas kubʼan che ukojik rech kchoman ri winaq chrij. Pero we ri chʼabʼal esam pa nikʼaj chi kʼutunem re ri folleto Jun chak re loqʼoqʼebʼal, rajawaxik chi ri tijoxel xaq xiw kukʼutu jas kbʼan che ukojik pa ri predicación. We krilo chi rajawaxik kukojo, utz kukoj ri ejemplo 1 che kʼo pa ri kʼutunem o ri versículos che kʼo chupam.

   12. Ri kbʼan che ubʼanik. Ri pixabʼ kyaʼ ubʼixik pa wajun párrafo y pa ri jun chik kubʼij jas kbʼan pa taq ri asignaciones «Chamajij tzijonem» y «Chattzalij chi jumul rukʼ ri winaq». Weneʼ jujun taq mul ri tijoxel rajawaxik kukoj jun texto re ri Biblia che utz kuta ri winaq o qas rajawaxik che y kuya kan jun pregunta rech kkunik ktzijon chi rukʼ pa jun chi qʼij. Ri tijoxel rajawaxik kchoman chrij ri rajawaxik chke winaq y ri más utz kkito. Are ri areʼ kchaʼowik we kuya kan jun wuj o kukʼut jun video che kʼo pa ri chakubʼal re tijonik. Xa ta kkibʼan memorizar ri kiʼasignación xaneʼ rajawaxik kkikʼutu jas qas kkibʼano kechʼaw kukʼ ri winaq, jeriʼ kkʼaman chke y rukʼ kanimaʼ ketzijonik.

   13. Ri lugares ktzijox wi utzij ri Dios. Ri tijoxel rajawaxik kutzijoj ri utzij ri Dios pa ri lugares che kyaʼ ubʼixik pa ri Wuj re chak. Junam rukʼ wariʼ:

1.  1) Cho taq ja. Are ri utzijoxik ri utzij ri Dios cho taq ja (xas at kʼo rukʼ ri winaq, katchʼaw pa teléfono o kabʼan carta) y chiʼ kattzijon chi jumul rukʼ ri winaq che xariq kan nabʼe.

2.  2) Predicación informal. Are ri tzijonem kbʼan rukʼ jun winaq pa apachike lugar ri at kʼo wi o katbʼe wi, rech kabʼan aprovechar katzijoj ri utzij ri Dios che. Jun kʼutbʼal, kakʼut jun texto re ri Biblia che jun winaq are chiʼ at kʼo pa chak, pa ri escuela, pa ri atinamit, pa camioneta, pa microbús, etc.

3.  3) Predicación pública. Are ri utzijoxik ri utzij ri Dios rukʼ ri alaj carrito, pa taq ri kʼaybʼal, pa ri bʼe, pa ri parques, pa taq ri lugar kechakiʼ wi ri camionetas o microbús y pa nikʼaj chi lugares jawiʼ e kʼo wi más winaq.

 14. Ri kbʼan che kikojik ri videos y ri e wuj. Are ri tijoxel kilowik we rajawaxik kukoj jun video o kuya jun wuj. We pa ri asignación kubʼij chi rajawaxik kkoj jun video o xaq are ri tijoxel kraj kukʼutu, kutzij ta ri video, xaq xiw ketzijon chrij.

15. Wajun sección riʼ kmajix rukʼ jun bʼixonem. Pa ri nabʼe 15 minutos kʼo jun o kebʼ asignaciones che keʼutoʼ ri qachalal rech kkibʼan pa kikʼaslemal ri kukʼut ri uTzij ri Dios. Jujun taq mul, wajun chak riʼ jun kʼamal bʼe kbʼanowik o jun tobʼanel che qas kkun che ubʼanik, are kʼu xaq xiw ri kʼamal taq bʼe keyaʼow ri kajwataj che ri congregación. Ri qachalal che kyaʼow ri sección rilik kukʼ ri qachalal, kkunik kubʼan chi nikʼaj preguntas che kʼo ta pa ri kʼutunem. Rajawaxik chi ri qachalal kchʼaw ta más are chiʼ kumajij, rech kil ri más nim ubʼanik y rech kkiya kicomentarios ri e qachalal. We kbʼan entrevistar jun qachalal rajawaxik ktakiʼ lo pa ri plataforma rech pa ri ulugar taj kchʼaw wi loq, we kkunik.

  16. Etaʼmabʼal chrij ri Biblia rech ri congregación (30 minutos). Wajun chak riʼ kuya jun kʼamal bʼe che qas kkun che ubʼanik (we kʼi ta kʼamal taq bʼe e kʼo pa ri congregación utz kekoj ri tobʼanelabʼ che qas kekun che wajun chak riʼ). Ri jupuq kʼamal taq bʼe kkilo e jachin ri qas kekun che ubʼanik wajun chak riʼ. Ri kechaʼik rajawaxik che qas utz kkibʼan che, keqʼax ta che ri tiempo, kkikʼut ri textos claves xuqujeʼ kekitoʼ konojel rech kkil ri utz taq pixabʼ. Rech kekun che ubʼanik wariʼ chkilaʼ ri información che kchʼaw chrij ri preguntas y respuestas (w23.04 pág. 24, recuadro). Rajawaxik taj ktzʼaqat ri 30 minutos we ilom chi ronojel ri kʼutunem. We kuya kbʼanik, utz kekoj jalajoj qachalal che uyaʼik xuqujeʼ che usikʼixik uwach ri párrafos. We ri presidente kubʼij che ri kyaʼow ri etaʼmanik kresaj jubʼiqʼ che ri tiempo, ri kyaʼow ri etaʼmanik kril ri kubʼano. Jun chke are che weneʼ ksikʼix ta chi jujun chke ri párrafos.

17. Oxibʼ minutos. Ri presidente re ri riqbʼal ibʼ kchʼaw chrij ri utz taq pixabʼ che nim kibʼanik che xetaʼmax pa ri riqbʼal ibʼ. Xuqujeʼ kubʼij ri kil pa ri jun chi semana. We kʼo na tiempo utz kubʼij ri kibʼiʼ ri qachalal che kʼo kiʼasignación pa ri jun chi semana. Weneʼ jujun taq mul pa ri kʼisbʼal taq tzij kuya jujun anuncios o kusikʼij jujun taq cartas. Ri anuncios che amaqʼel kbʼanik, junam rukʼ ri qʼij re predicación, ri kebʼanow ri limpieza kbʼix ta pa ri plataforma xaq xiw kyaʼ pa ri tablero. We kʼo ta más tiempo rech kyaʼ anuncios o ksikʼix uwach cartas pa ri kʼisbʼal taq tzij, ri e nikʼaj chi qachalal che kkiya ri kiʼasignación pa ri chʼaqapil «Qakʼaslemal ri oj cristianos», kekunik kkiqasaj jubʼiqʼ ri tiempo kkikojo (chawilaʼ ri  párrafos 16 y  19). Ri riqbʼal ibʼ kkʼis rukʼ bʼixonem xuqujeʼ chʼawem.

18. Are chiʼ kkʼis pa kijujunal ri kiʼasignación ri tijoxelabʼ, ri presidente re ri riqbʼal ibʼ kukoj jun minuto che ubʼanik felicitar ri tijoxel y ubʼixik jujun pixabʼ che chi kʼo pa ri wuj ri bʼanom asignar che. Are chiʼ ri tijoxel kukʼis ri uʼasignación, ri presidente kubʼij jas kʼutunem xchakun ri tijoxel chrij, jas ri utz xubʼano y rukʼ utz taq tzij kubʼij jas rajawaxik kusukʼumaj na. Ri presidente xuqujeʼ kkunik kubʼij chi nikʼaj jastaq che kajwataj che ri tijoxel o chke konojel ri qachalal. Utz che kuya más pixabʼ che ri tijoxel are chiʼ kkʼis ri riqbʼal ibʼ o pa jun chi qʼij, che esam pa ri folleto Jun chak re loqʼoqʼebʼal, pa ri folleto Ajtijabʼ o ri libro Benefíciese (pa ri  párrafos 19,  24 y  25 kawetaʼmaj más chrij ri uchak ri presidente re ri riqbʼal ibʼ y ri yaʼol pixabʼ o consejero auxiliar).

19. Rajawaxik che kʼo ta nijun asignación kqʼax che ri tiempo yaʼom (xuqujeʼ ri utzij ri presidente re ri riqbʼal ibʼ). Paneʼ ri Wuj re chak kubʼij jampaʼ tiempo kkoj che uyaʼik jun asignación pero we utz xbʼan che unikʼoxik ri información, rajawaxik taj kaya uwiʼ ri kabʼij rech ktzʼaqat ri tiempo. We ri kkiya asignaciones keqʼax che ri tiempo, ri presidente o ri yaʼol pixabʼ rajawaxik ketzijon rukʼ ri qachalal (chawilaʼ ri  párrafos 24 y  25). Ronojel ri riqbʼal ibʼ rukʼ ri bʼixonem y ri chʼawem kuchʼij 1 hora rukʼ 45 minutos.

20. Are chiʼ ri solinel re circuito kopan che usolixik ri congregación, kbʼan ri kubʼij pa ri Wuj re chak, ri kkʼexik are waʼ: Chukʼexwach ri «Etaʼmabʼal chrij ri Biblia rech ri Congregación», ri solinel re circuito kuyaʼ jun chʼabʼal che kuchʼij 30 minutos. Are chiʼ majaʼ kumaj ri chʼabʼal, ri presidente re ri riqbʼal ibʼ kubʼan ri repaso re ri riqbʼal ibʼ xuqujeʼ kchʼaw chrij ri kil pa ri jun chi semana, kuyaʼ jujun anuncios xuqujeʼ we rajawaxik, kusikʼij uwach cartas tekʼuriʼ kubʼij che ktatabʼex ri chʼabʼal re ri solinel re circuito. Are chiʼ yaʼom chi ri chʼabʼal, ri solinel re circuito kukʼis ri riqbʼal ibʼ rukʼ jun bʼixonem che areʼ kchowik. Ri areʼ kkunik kuchaʼ jun qachalal rech kubʼan ri chʼawem. Are chiʼ kʼo ri solinel, kkoj ta ri salas auxiliares. Ri e qachalal che kechʼaw pa jun chi chʼabʼal kekunik kkibʼan ri riqbʼal ibʼ pa ri kichʼabʼal are chiʼ kʼo ri solinel pa ri congregación. Are kʼu, rajawaxik keqʼax pa ri nabʼe sala rech kkita ri chʼabʼal che kuya ri solinel re circuito pa ri congregación.

21. Pa ri semana rech jun nim riqbʼal ibʼ, kʼo ta riqbʼal ibʼ kbʼan pa ri congregación. Knaʼtajisax che ri congregación che pa kijujunal o rukʼ ri kifamilia kkil ri información re ri riqbʼal ibʼ re ri semana riʼ.

22. Are chiʼ ri qʼij re ri unaʼtabʼalil ri ukamikal ri Jesús kbʼan chuxoʼl taq qʼij re ri semana kʼo ta riqbʼal ibʼ Qachak xuqujeʼ Qakʼaslemal.

23. Jun kʼamal bʼe che kchaʼ kumal ri e jupuq kʼamal taq bʼe are kux kʼamal bʼe rech ri riqbʼal ibʼ. Ri qachalal are kilowik chi ri riqbʼal ibʼ kbʼan pa cholajil jas ri kubʼij ri wuj re pixabʼ. Rajawaxik che ktzijon rukʼ ri yaʼol pixabʼ. Are chiʼ kopan ri Wuj re chak, ri kʼamal bʼe kuya ri asignaciones rech kebʼ ikʼ: ri kech ri tijoxelabʼ, ri kech ri tijoxelabʼ taj y ri kubʼan presidir. Ri keyaʼow ri asiganaciones kech ri tijoxelabʼ taj y ri kbʼanow presidir e bʼanom aprobar kumal ri kʼamal taq bʼe re ri congregación (chawilaʼ ri  párrafos 3-16 y  24). Are chiʼ majaʼ kyaʼ ri asignaciones rajawaxik kchomax ri ujunabʼ ri qachalal, ri kkun che ubʼanik y we kkunik kchʼaw chrij ri tema. Rajawaxik kyaʼ ri asignaciones chke ri tijoxelabʼ are chiʼ kraj na oxibʼ semana che ri asignación. Xuqujeʼ rajawaxik kkoj ri formulario Asignación re ri riqbʼal ibʼ Qachak xuqujeʼ Qakʼaslemal (S-89) are chiʼ kyaʼ ri kiʼasignaciones ri e tijoxelabʼ. Rajawaxik kuya ri programa chuwach ri tablero. Xuqujeʼ ri e kʼamal taq bʼe kkitaʼ tobʼanik che jun chi kʼamal bʼe o jun tobʼanel rech kutoʼ ri qachalal che ri chak. Are kʼu, xaq xiw jun kʼamal bʼe kkunik kuya uchak jun chi kʼamal bʼe.

24. Ronojel taq semanas, jun kʼamal bʼe kubʼan presidir ri riqbʼal ibʼ Qachak xuqujeʼ Qakʼaslemal (we kʼi ta kʼamal taq bʼe e kʼo pa ri congregación utz kekoj ri tobʼanelabʼ che qas kekun che wajun chak riʼ). Ri uchak ri presidente are kuya ubʼixik ri nabʼe taq tzij re ri riqbʼal ibʼ xuqujeʼ are chiʼ kkʼisik, kril ri videos re ri kʼutbʼal re tzijonem. Xuqujeʼ areʼ kbʼinik che keqʼax ri e qachalal che uyaʼik ri chʼabʼal, we e kʼi ta ri kʼamal taq bʼe areʼ xuqujeʼ kuya jujun chʼabʼal pa ri riqbʼal ibʼ, más na pa taq ri partes che xaq xiw kkʼut jun video y kbʼan ta tzijonem chrij. Rajawaxik naj ta kchʼawik are chiʼ kubʼij che keqʼax ri e qachalal che uyaʼik ri kiʼasignación. Ri jupuq kʼamal bʼe kkilo jachin chke ri e kʼamal bʼe kbʼanow ri chak re presidente. Ri kʼamal taq bʼe kkijal kibʼ che ubʼanik wajun chak riʼ. Weneʼ ri kʼamal bʼe re ri riqbʼal ibʼ Qachak xuqujeʼ Qakʼaslemal kʼi mul kubʼan wajun chak riʼ chkiwach ri nikʼaj chik kʼamal bʼe. We jun kʼamal bʼe kubʼan ri «Etaʼmabʼal chrij ri Biblia rech ri Congregación», weneʼ xuqujeʼ kkunik kubʼan presidir. Rajawaxik ksach ta chiwe che ri kyaʼow ri pixabʼ rajawaxik kukoj utz taq tzij are chiʼ ktzijon kukʼ ri tijoxelabʼ. Xuqujeʼ are ri presidente kilowik che ri riqbʼal ibʼ kbʼan pa ri tiempo che yaʼom (chawilaʼ ri  párrafos 17 y  19). We ri presidente kraj xuqujeʼ we kʼo lugar pa ri plataforma, utz che kukoj jun chi micrófono rukʼ pedestal rech kubʼij ri kiʼasignación ri qachalal are chiʼ tajin ksukʼumax ri atril. Xuqujeʼ ri presidente kkunik kukoj jun mesa xuqujeʼ jun tem rech ktʼuyiʼ cho ri plataforma are chiʼ tajin ksikʼix uwach ri Biblia xuqujeʼ are chiʼ kyaʼ ri sección «Chojux más utz ajtijabʼ». Wariʼ ktobʼanik rech kkoj ta más tiempo.

25. Utz che wajun chak riʼ kyaʼ che jun kʼamal bʼe che qas kkun che uyaʼik chʼabʼal. Ri uchak ri qachalal riʼ are che kuya pixabʼ chke ri kʼamal taq bʼe, ri tobʼanelabʼ che kkiya chʼabʼal pa ri riqbʼal ibʼ Qachak xuqujeʼ Qakʼaslemal, o chke ri qachalal che kkiya ri chʼabʼal chke konojel, ri kyaʼow ri Etaʼmabʼal rech ri wuj Ri Chajinel xuqujeʼ ri kyaʼow ri «Etaʼmabʼal chrij ri Biblia rech ri Congregación» o ri qachalal ksikʼin uwach wuj (chawilaʼ ri  párrafo 19). We pa ri congregación kʼo kʼi taq kʼamal bʼe che qas kekun che ri chak riʼ, utz chi kkijal kibʼ o kkikʼex kibʼ chijunabʼ. Rajawaxik taj kuya pixabʼ chke ri kʼamal bʼe y ri tobʼanelabʼ are chiʼ kʼateʼ kkikʼis ri kiʼasignación o jun chʼabʼal.

26. We sibʼalaj e kʼi ri tijoxelabʼ pa ri congregación, rajawaxik kkoj ri sala auxiliar. Pa ri sala auxiliar rajawaxik kkʼojiʼ jun qachalal che kuya ri pixabʼ chke ri tijoxelabʼ, utz che are jun kʼamal bʼe. We kuyaʼ, utz kkoj jun tobʼanel che qas kkun che wajun chak riʼ. Are ri jupuq kʼamal bʼe keʼilowik e jachin kebʼanow wajun chak riʼ xuqujeʼ kkilo we kkikʼex kibʼ. Ri kyaʼow ri pixabʼ rajawaxik kubʼan ri kubʼij ri  párrafo 18. We kkoj jun sala auxiliar utz che kbʼix chke ri tijoxelabʼ che kebʼe chilaʼ are chiʼ kkʼis ri sección «Jeʼlalaj taq pixabʼ» rech ri sección «Qʼinomal re ri Utzij ri Dios». Ri tijoxelabʼ ketzalij pa ri auditorio are chiʼ kkʼis ri sección «Chojux más utz ajtijabʼ».

27. Pa ri riqbʼal ibʼ chuxoʼl semana kil jujun videos che kʼo chi pa ri aplicación JW Library^® pa jalajoj taq dispositivos.

© 2023 Watch Tower Bible and Tract Society of Pennsylvania

S-38-QC 11/23