Ri testigos rech Jehová k’o k’i qawuj y videos pa Internet. Are k’u pa k’i taq tinamit ri e qachalal k’o ta kirajil che utojik Internet. E nikʼaj chik xaq kbʼe ri useñal kuk’ o k’o ta Internet.

 Are k’u kimik kekun chik kkibʼan descargar ri e qawuj pa ri kiteléfonos y tabletas paneʼ kʼo ta kinternet. ¿Jas ubʼanik wariʼ?

 JW Box are jun alaj caja che ktaq bʼi chke ri congregaciones che e kʼo pa taq ri tinamit ri kʼo ta wi Internet. Wariʼ are jun rúter che loqʼom pa jun empresa, jun programa informático bʼanom rumal ri Departamento de Computación re Betel y ri videos y e wuj digitales che e kʼo pa jw.org. Chkijujunal ri alaj taq cajas 75 dólares rajil.

 Pa ri Ja rech Ajawbʼal, ri e qachalal kkibʼan conectar ri kiteléfonos o tabletas rukʼ wifi che ri JW Box y kkibʼan descargar ri e wuj y videos. Xuqujeʼ ri ojer taq teléfonos y che paqal ta rajil kbʼanik kbʼan conectar che wajun alaj caja. Are kʼu we ri e qachalal re ri congregación kʼo ta kinternet, ¿jas kbʼan che ubʼanik actualizar ri JW Box? Ri sucursal amaqʼel kutaq bʼi memorias USB chke ri congregaciones che weneʼ 4 dólares rajil y kʼo bʼi ri kʼakʼ información chupam che kʼo pa jw.org. Ri información kbʼan descargar pa JW Box.

 ¿Jas tobʼanik uyaʼom JW Box chke ri e qachalal? Ri qachalal Nathan Adruandra, che kel República Democrática del Congo, kubʼij chqe: «Kʼi mul xwaj xinbʼan descargar ri videos ‹Oh, Jehová, chawij kinkubʼsaj wi nukʼuʼx› y Chnaʼtaj ri rixoqil ri Lot chiwe, are kʼu xinkun taj. Sibʼalaj xinbʼisonik. Kimik kinkun chik kinbʼan descargar ri videos pa ri nuteléfono, wariʼ kojkitoʼo rech utz kqabʼan che kitijoxik ri e qalkʼwal».

 Jun qachalal achi che keʼutoʼ ri e qachalal re jalajoj taq congregaciones re Nigeria che ubʼanik instalar JW Box kubʼij: «Ri e qachalal kkibʼij che JW Box are jun sipanik nim ubʼanik che yaʼom chke rumal ri Jehová. Sibʼalaj kekikotik rumal che kimik kʼax ta chi kkiriq che ubʼanik descargar ri e wuj y ri videos re ri chakubʼal re tijonik».

 Taqom chi bʼi más che 1,700 JW Box pa taq ri congregaciones re África, Oceanía y Sudamérica, y tajin kchomaxik che ktaq bʼi waʼ taq cajas pa kʼi taq congregaciones. ¿Jawiʼ kkʼam wi ri pwaq che kkoj che waʼ taq proyectos riʼ? Pa taq ri kuchuj che kyaʼ pa ri obra mundial. Ri e kuchuj kyaʼ pa donate.pr418.com. Maltyox chiwe rumal che sibʼalaj kixsipanik.