Mateo 24:6 kubʼij: «Kita na chi e kʼo taq chʼoj. Kita na utzijol taq chʼoj» kqamay taj che wariʼ kkʼulmataj pa ri kʼisbʼal taq qʼij. E kʼi qachalal kkiriq kʼax rumal wariʼ, are kʼu amaqʼel kyaʼ ri tobʼanik che kajwataj chke. Xukubʼsaj qakʼuʼx are chiʼ xqil ri Informe 3 re ri Jupuq Ajkʼamal bʼe cho ronojel uwach Ulew re ri junabʼ 2022 che ri labores de socorro re Europa del Este tajin kuya tobʼanik chke ri qachalal che xkiriq kʼax rumal ri chʼoj pa Ucrania. ¿Jas tajin kbʼanik rech kyaʼ tobʼanik paneʼ kʼo chʼoj? ¿Jas kubʼan wariʼ pa ri kikʼaslemal ri qachalal pa Ucrania?

 Pa ri 24 re febrero 2022 —ri qʼij che xmajtaj ri chʼoj—, ri Comité re Coordinadores xubʼij che kkoj nikʼaj pwaq che kitoʼik ri qachalal. Ri sucursal re Ucrania, aninaq xuloqʼ jastaq, y ri 27 Comités re ri labores de Socorro xekijachaʼ chke ri qachalal.

 Xuqujeʼ, ri e qachalal re ri central mundial kech ri testigos rech Jehová xkitzukuj ri kkibʼano rech kkitoʼ ri sucursal re Ucrania. Ri Comité de Coordinadores y de Publicación re ri Jikalaj Pataninel xkibʼij che ri Departamento Mundial de Compras y jujun qachalal re ri sucursales re Ucrania y Polonia che kkil ri kajwataj chke ri qachalal y kkil ri kbʼan che uyaʼik chke. Ronojel taq qʼij, kʼi qachalal re ri departamentos de Compras, de Envíos y de Asuntos Legales rech ri sucursales riʼ, jun chke ri Comité de Sucursal re Ucrania y jujun qachalal re ri Departamento Mundial de Compras, xkimulij kibʼ rech kkil ri kbʼan che ubʼanik ri chak.

 Jay Swinney, re ri Departamento Mundial de Compras, kubʼij: «Nabʼe rajawaxik kqetaʼmaj ri kajwataj chke ri qachalal. Kqaj kqaya ri kʼamanaq chke che kkitijo y kkikojo. Are kʼu xaq xiw ta kqetaʼmaj ri kajwataj chke; xaneʼ rajawaxik kqil ri kqabʼano rech aninaq y utz kopan ri jastaq pa Ucrania».

 Pa ri 9 re marzo 2022, ya qetaʼm chi ri kqataq bʼik. Pa taq ri cajas xyaʼ bʼi, tiʼj y pescado enlatados, cereales, arroz, kinaqʼ, chʼipaq y papel higiénico. Xqilo che weneʼ 65 dólares ksach chrij ri jastaq che kukojo y kutij jun winaq pa jun ikʼ. Rumal che e kʼi qachalal kajwataj ri tobʼanik riʼ chke, ri Comité de Coordinadores xubʼij che kkoj kʼi pwaq rech kyaʼ wariʼ chke ri qachalal. Are kʼu ¿jas kbʼanik rech utz kbʼan che ujachik?

 Pa ri 13 re marzo, kebʼ qachalal re Polonia xkikʼam bʼi ri nabʼe tobʼanik pa jun almacén re Ucrania, chunaqaj ri tinamit Leópolis (Lviv). Are chiʼ majaʼ kebʼek xetoʼ kumal ri e qachalal re ri sucursales re Ucrania y Polonia, rech keʼopan jelaʼ. Xkitaʼ permiso rech kekunik keqʼax pa ri frontera, xkitzʼibʼaj bʼi chrij ri camión che tobʼanik kekijachaʼ y ri e qachalal re Ucrania xetobʼan che utzukuxik ri bʼe che más naqaj che ri almacén. Ronojel ri jastaq xekʼam bʼi pa Leópolis y, xa pa 24 horas, xjachtaj kan pa kiqʼabʼ ri Comités de Socorro, y kʼo ta kʼax xkiriq ri e qachalal re Polonia chiʼ xetzalijik. Y wariʼ xbʼantajik rumal che qas utz xbʼan che rilik ri kbʼan bʼi che ukʼamik y utz xel ronojel rumal ri utobʼanik ri Jehová.

 Ri nabʼe mul che xtaq bʼi ri tobʼanik utz xelik, are kʼu ri qachalal xraj na jubʼiqʼ che jun tonelada (pa Estados Unidos are jun tonelada) xkijacho. Rajawaxik kjach na 200 toneladas (pa Estados Unidos are 220 toneladas). ¿Jas kbʼan bʼi che ukʼamik rech aninaq kjachik?

 Are chiʼ ri winaq re ronojel ri uwach Ulew xkisikʼij pa jw.org che ri chʼoj tajin kubʼan kʼax chke ri qachalal, xkaj xetobʼanik. Ri naj keʼel wi che Ucrania xkiya kikuchuj pa ri obra mundial kech ri testigos rech Jehová, rumal che ketaʼm che qas utz kbʼan che ukojik. Nikʼaj chik, che naqaj e kʼo wi che ri tinamit xkiya ri kitiempo, ri kichuqʼabʼ y ri kipwaq. Wariʼ xaq jujun kʼutbʼal.

 Pa Polonia, sibʼalaj e kʼi qachalal xetobʼanik rech xkisukʼumaj ri cajas, y e kʼi akʼalabʼ xkibʼan dibujos pa taq tarjetas. Bartosz Kościelniak, re ri Departamento de Compras re ri sucursal re Polonia, kubʼij: «Pa Salmo 110:3 kubʼij che ri utinamit ri Jehová ktobʼan na rukʼ ronojel ranimaʼ. Kʼi taq mul nusikʼim wajun texto riʼ, are kʼu kʼateʼ qas xinwilo are chiʼ xenwil e kʼi qachalal che kkaj ketobʼanik jawiʼ kajwataj wi».

 Jun qachalal che kʼo jun rempresa re camiones che kkiqʼaxej jastaq pa nikʼaj chi tinamit, xuya ri ucamiones pa qajik y xusipaj ri gasolina che kajwatajik. Ri areʼ kubʼij: «Are waʼ ri kinbʼan che ukʼutik chke ri qachalal y che ri Jehová che sibʼalaj kenloqʼoqʼej. Sibʼalaj kinkikotik rumal che xinya ri nutobʼanik». 2.034 galones re gasolina xkoj che ujachik ri jastaq, y ri qachalal che xkibʼinisaj bʼi ri camiones xkiya ri kitiempo y ri kichuqʼabʼ weneʼ 48.000 kilómetros bʼe xkibʼano.

 Rumal ri kiloqʼoqʼebʼal y ri nimalaj chak che xkibʼan ri qachalal, pa ri 28 re marzo —kʼateʼ 15 días qʼaxinaq are chiʼ xqataq bʼi ri nabʼe viaje— xojkunik xqataq bʼi 100 toneladas (pa Estados Unidos are 110 toneladas) jastaq che ktijowik, re chʼajchʼobʼisam ibʼ y kunabʼal. Y rumal che ri e qachalal y ri ajkʼayibʼ xkisipaj kʼi jastaq, kʼi ta más pwaq xsachik. Kimik, ri oj testigos rech Jehová qataqom chi bʼi más che 190 toneladas (pa Estados Unidos are 209 toneladas) tobʼanik pa Ucrania. ¿Jas xkinaʼ ri qachalal are chiʼ xyaʼ ri tobʼanik chke?

 Are chiʼ xopan ri tobʼanik pa Leópolis, ri Comités de Socorro pa ronojel ri tinamit Ucrania xkijach ri jastaq chke ri kʼo kirajawaxik. Xkʼam bʼi kʼi tobʼanik pa taq ri tinamit che weneʼ más che 1,300 kilómetros e kʼo wi che Leópolis. Paneʼ utz ri xbʼan che ubʼanik, are kʼu xukʼam bʼi kʼi tiempo. a

 Markus Reinhardt, re ri Comité de Sucursal re Ucrania, kubʼij: «Ronojel ri tajin kkʼulmatajik e kʼi qachalal qas xkil ri uloqʼoqʼebʼal ri Jehová y ri utzilal che kuyaʼo are chiʼ knimax ri kubʼij ri utinamit paneʼ majaʼ kkʼulmataj jun kʼax. Jun kʼutbʼal, qonojel bʼim chqe che kqakʼol jastaq che ktijowik y joron rech kʼo kqatij pa kʼi semanas we kqariq jun kʼax. Are waʼ ri xubʼij jun kʼamal bʼe re ri Congregación re Kiev ubʼiʼ Anton: ‹Sibʼalaj kojmaltyoxinik rumal che ri utinamit ri Jehová kubʼij chqe ri rajawaxik kqabʼan chuwach jun kʼax. Ukʼolik joron, ri ktijowik y ukʼolik jun radio oj utoʼom rech kqariq ta más kʼax›. Sibʼalaj utz che ri qachalal xkibʼan ri xbʼix chke; wariʼ xuya tiempo che ri sucursal rech qas utz xubʼan che ujachik ri tobʼanik.

 ¿Jas xkinaʼ ri qachalal are chiʼ xyaʼ ri tobʼanik chke? Míkola y Zinaida, che keʼel pa Járkov, kkibʼij wariʼ: «Sibʼalaj kopan pa qanimaʼ rilik che nim kojkil wi. Sibʼalaj maltyox che ronojel ri ktijowik ri kunabʼal che xkiya chqe. Qas qʼalaj che are ri Jehová xbʼanow wariʼ». Valentina, che xuqujeʼ kel pa wajun tinamit riʼ, kubʼij: «Are chiʼ xmajtaj ri chʼoj, kqabʼan nimaʼq taq filas che uloqʼik ri kqatijo, are kʼu kqariq ta ri kajwataj chqe. Ri Jehová tajin kril ri kʼax che tajin kqakʼulmaj. Rumal laʼ xubʼano che ri qachalal xkikʼam lo ri qas kajwataj chqe. Are chiʼ kqilo che más knimataj ri kʼax y kqachomaj che kojkun taj kqachʼijo, ri Jehová y ri utinamit kojkitoʼo y kkiya ri kajwataj chqe. Kukubʼsaj qakʼuʼx retaʼmaxik che kyaʼ ri tobʼanik chqe are chiʼ qas kajwatajik».

 Evguen, Irina y Mikita, che xeʼel bʼi pa Mariúpol, kkibʼij: «Rukʼ ronojel qanimaʼ kqamaltyoxij chiwe rumal che xojichajij rukʼ loqʼoqʼebʼal y ri qafamilia. Xiya ri tobʼanik chqe are chiʼ qas xajwatajik. Xqachomaj che ri petinaq pa ri cajas xaq xiw katilowik, are kʼu are chiʼ xeqatoro xqilo che rukʼ loqʼoqʼebʼal xetaq loq».

 Qas xqilo che are ri Jehová xkʼamow ubʼe wajun chak riʼ rukʼ ri ruxlabʼal pa waʼ taq qʼij riʼ che kʼo chʼoj y che kta utzijol taq chʼoj. Xuqujeʼ are xbʼanowik che ri ix xiya ri ikuchuj pa ri obra mundial, pa donate.pr418.com. ¡Sibʼalaj kqamaltyoxij ri ikuchuj!

Aninaq kqaya tobʼanik y qas utz kqabʼan che ubʼanik

1. 24 re febrero 2022: Ri Comité de Coordinadores xubʼij che kkoj kʼi pwaq rech ri sucursal re Ucrania kuya ri kajwataj chke ri qachalal che xkiriq kʼax rumal ri chʼoj.

2. 24 re febrero kopan 8 re marzo 2022: Ri sucursal re Ucrania, aninaq xuloqʼ jastaq y xukoj ri Comités de Socorro rech xkijax wariʼ chke ri qachalal. Ri sucursal xuqujeʼ xujach ri tobʼanik che xutaq bʼi ri sucursal re Polonia.

3. 9 re marzo 2022: Ri Comité de Coordinadores xubʼij che ktaq bʼi tobʼanik pa ri tinamit Ucrania.

4. 10 kopan 12 re marzo 2022: Ri e qachalal re Polonia xkil ri kbʼan che utaqik bʼi ri nabʼe viaje re tobʼanik pa Leópolis (Ucrania).

5. 13 re marzo 2022: Xel bʼi ri nabʼe viaje re tobʼanik pa Polonia y xeyoq kan pa Leópolis.

6. 14 kopan 16 re marzo 2022: Pa Polonia, e kʼi qachalal re ri Departamento Local de Diseño y Construcción xkimulij kibʼ pa jun Ja re nimaʼq taq riqbʼal ibʼ chunaqaj ri tinamit Poznań rech kkisukʼumaj ri jastaq che ktijowik y ri kkoj che uchʼajchʼobʼisaxik ibʼ.

7. 17 re marzo 2022: Qʼaxinaq chi kajibʼ qʼij are chiʼ taqom chi bʼi ri nabʼe viaje, xkʼam chi bʼi 13 toneladas (pa Estados Unidos are 14 toneladas) re tobʼanik pa ri frontera re Ucrania.

8. 21 kopan 27 re marzo 2022: Pa Polonia xesukʼumax más cajas rech ketaq bʼi pa Ucrania. Xa pa 24 horas, xjachtaj kan pa ri lugar ri kajwataj wi.

9. 28 re marzo 2022: Are chiʼ xbʼixik che utz ktaq bʼi tobʼanik —okʼowinaq chiʼ 20 días—, taqom chi bʼi 100 toneladas (pa Estados Unidos are 110 toneladas) re jastaq che ktijowik, re chʼajchʼobʼisam ibʼ y kunabʼal pa Ucrania.

 Kimik, ri oj testigos rech Jehová qataqom chi bʼi pa Ucrania más che 190 toneladas (pa Estados Unidos are 209 toneladas) re tobʼanik.