Pa ri marzo re 2020 ri Organización Mundial de la Salud are chiʼ xuqʼalajisaj che ri COVID-19 are jun pandemia, xqachomaj taj che wajun yabʼil riʼ kʼa kubʼan na kʼax are chiʼ qʼaxinaq chi jun junabʼ. Rumal wajun yabʼil riʼ sibʼalaj e kʼi winaq xuqujeʼ ri testigos rech Jehová kiriqom kʼax, keyowajik, kebʼisonik y kʼo ta chi kirajil. ¿Jas kibʼanom ri Testigos rech kkiya tobʼanik chke ri e kachalal pa wajun kʼaxkʼolil?

 Rukʼ ri utobʼanik ri Comité de Coordinadores re ri Jupuq Ajkʼamal bʼe cho ronojel uwach Ulew kech ri Testigos rech Jehová, bʼanom más che 950 Comités de Socorro pa ronojel uwach Ulew rech kqariq ta kʼax chuwach ri COVID-19. Pa jujun taq tinamit, ri comités kiyaʼom ri kitobʼanik chke ri Testigos rech ri tinamit e kʼo wi, pa nikʼaj chi tinamit, ri Testigos kikʼamom ri kitobʼanik ri e qʼatal taq tzij, nim ri tobʼanik kiyaʼom ri Comités de Socorro.

 Jun kʼutbʼal, chqilampeʼ jas ri kʼulmatajinaq pa Paraguay. Jun periódico kubʼij che rumal ri pandemia, ri e winaq kʼo ta chi kirajil y e kʼi chke kʼo ta chi kkitijo. Are kʼu ri Comité de Socorro re Paraguay umajin chi ujachik jastaq ri kuchʼij kebʼ semanas. Jun paquete weneʼ sachom 30 dólares chupam, kʼo bʼi jastaq rech ktijowik xuqujeʼ jastaq rech kkijosqʼij kibʼ jun familia che e kʼo kajibʼ winaq chupam.

 ¿Jas kkibʼan ri e qachalal e voluntarios rech kkichajij kibʼ chuwach ri COVID-19 y kekichajij ri e nikʼaj chik? Kkikoj kimascarillas y qas ta kekʼojiʼ chkinaqaj ri e nikʼaj chik. Xuqujeʼ qas kkilo che ri kekʼayin ri jataq ktijowik chʼajchʼoj kechakunik y kakichajij kibʼ chuwach ri yabʼil junam rukʼ ri kibʼin taq ri e qʼatbʼal tzij. Kkilo che konojel ri kechapow ri paquetes, qas kikojom bʼi ri jastaq che rajawaxik kkikojo rech kkiriq ta ri yabʼil, kkijosqʼij y kkibʼan desinfectar ri kichʼichʼ, y kkiya kan ri jastaq pa lugares che bʼanom desinfectar. Y ri kejachow rech ri paquetes qas ta keqebʼ kukʼ ri e qachalal are chi kekiya kan chke.

 Pa ri enero re 2021, ri Comité de Coordinadores xubʼij che kkoj más che 25 millones de dólares rech ketoʼ ri xkiriq kʼax rumal ri COVID-19. Ri sucursales y ri Comités de Socorro sibʼalaj utz kkibʼan che ukojik ri kuchuj y kkitzukuj jastaq che qas ta paqal rajil. Jun kʼutbʼal, pa Chile, ri e qachalal che e kʼo pa ri Comités de socorro kkaj kkiloqʼ 750 kilos (1,653 libras) lentejas. Are kʼu pa riʼ ri tiempo ri lentejas xa pa jun ikʼ sibʼalaj xpaqiʼ rajil. Ri qachalal xkichomaj che kkiloqʼ ri lentejas paneʼ xpaqiʼ rajil. Are kʼu kʼateʼ kebʼ horas qʼaxinaq, ri ajkʼayil rech ri lentejas xubʼij che kʼo chi jun winaq kʼateʼ xutzalij kan ri lentejas che xuloqʼ bʼi nabʼe. Rumal laʼ, xubʼij chke ri e qachalal che kuqasaj pa nikʼaj che ri rajil ri lentejas ri kukʼayij bʼi chke.

 Tekʼuriʼ are chi ri qachalal xe bʼe che utzukuxik ri lentejas, ri ajkʼay xubʼij chke che kukʼayij ta chik. Ri achi xuchomaj che ri e qachalal utz ta kkibʼan che ukojik ri lentejas che kuya chke, rumal che e kʼo nikʼaj chi organizaciones je kibʼanom. Jun qachalal aninaq xubʼan uchʼawem tekʼuri xubʼij che ri ajkʼay che pa taq ri congregaciones xeʼajilax ri qastzij kʼo kajwataj chke. Ri e qachalal xuqujeʼ xkibʼij che ri ajkʼay che are chiʼ kkibʼan ri paquetes kechoman chrij ri kibʼantajik y ri kitinamit ri e qachalal che kʼo kajwataj chke. Rumal laʼ chkijujunal ri paquetes xyaʼ bʼi ri jastaq chupam ri más kajwataj chke ri familias chkijujunal. Y, chukʼisbʼal xkibʼij che ri achi che ronojel ri kuchuj kyaʼ che ri utinamit ri Jehová, qas pa kanimaʼ ri e winaq kel wi uloq y ri ketobʼanik xuqujeʼ e tojom taj. Sibʼalaj xumay ri achi. Rumal laʼ xaq xiw ta xukʼayij bʼi ri lentejas chke ri e qachalal, xaneʼ xusipaj bʼi 400 kilos (882 libras) lentejas pa ri jun chi mul che xeʼopan rukʼ.

 Kʼo jun qachalal che nim chi ujunabʼ xuqujeʼ malkan che kel pa Liberia, al Lusu ubʼiʼ che e kʼo cinco ufamiliares ruk. Jun qʼij, aq’ab’il are chiʼ tajin kewaʼik y tajin kkinik’oj ri texto diario, ri uwiʼ umam ri qachalal Lusu ri alaj ala che kʼo siete ujunabʼ xrilo che kʼo ta chi jastaq ke kkitijo. «¿Y jas kqatij chi laʼ?», xchaʼ ri alaj ala. Ri ratit xubʼij che che kbʼison taj rumal che ubʼanom chi uchʼawem che ri Jehová y utaʼom chi tobʼanik che, y che qas retaʼm che kyaʼ ri rajawaxik chke rumal ri Jehová. Bʼenaqʼij, ri e kʼamal taq bʼe xkichʼabej apan ri qachalal Lusu rech keʼukʼamaʼ lo jujun taq jastaq ke rech ktijowik. Ri qachalal kubʼij: «Ri uwiʼ numam kubʼij che chanim qas kukoj chik che ri Jehová kutzalij uwach ri qachʼawem rumal che xutzalij uwach ri we in».

 Jun ixoq che kel pa ri República Democrática del Congo che kʼo chkinaqaj jun familia Testigos. Are chiʼ xrilo che ri e qachalal tajin keyoq kan jastaq ke kumal ri e nikʼaj chi qachalal, ri ixoq xubʼij: «Are chiʼ kkʼis waʼ ri pandemia, kojux testigos rech Jehová, e areʼ qas kel kikʼuʼx chke ri e kachalal pa taq ri kʼax taq qʼij riʼ». Ri rachajil xubʼij che: «¿Che kawaj katux Testigo xa rumal jun bolsa arroz?». Y ri areʼ xubʼij che: «No, are ta rumal laʼ leʼ. Ri jun bolsa arroz kukʼutu che qastzij kkiloqʼoqʼej kibʼ».

 Rumal ri ikuchuj iyaʼom, ri e testigos rech Jehová e kuninaq kiyaʼom tobʼanik chke ri e kachalal pa ri nimalaj yabʼil. Sibʼalaj maltyox che ri ikuchuj che jalajoj ibʼanom che uyaʼik pa donate.pr418.com.