Ri Biblia kubʼij che pa taq ri «ukʼisbʼalil ri uwach ulew», «kwalij na jun nim tinamit chrij jun nim tinamit chik» y kilitaj na desastres naturales (Mateo 24:3, 7). Wajun profecía riʼ qas xqil pa ri junabʼ re servicio 2023. a Xkʼulmataj chʼoj y desastres naturales pa weneʼ 100 tinamit, pero ri testigos rech Jehová xkesaj uwach ri uloqʼoqʼebʼal ri Dios. ¿Jas xkibʼan che ukʼutik loqʼoqʼebʼal?

 Pa ri junabʼ re servicio 2023, ri e qachalal xkiriq kʼax rumal ri más che 200 desastres naturales o rumal ri chʼoj. Rumal laʼ ri testigos rech Jehová xkisach más che 10 millones de dólares, b re kuchuj, che kitoʼik nikʼaj chi Testigos che xkiriq kʼax. Xuqujeʼ nikʼaj chi Testigos xkiya kipwaq rech xekitoʼ ri e kʼo pa ri kitinamit. Chqilaʼ kebʼ kʼutbʼal che kukʼutu ri xbʼan che kitoʼik ri e qachalal rukʼ ri kuchuj che iyaʼom.

 Pa jujun taq lugares re Nigeria ri winaq amaqʼel kkiriq kʼax rumal ri jabʼ. Pero pa octubre 2022 sibʼalaj xuriq kʼax ri tinamit, ubʼanom ta wariʼ pa 10 junabʼ. Más che 676,000 hectáreas (1,670,432 acres) ulew re tikoʼn xsach uwach, y más che kebʼ millones winaq rajawaxik xkiya kan ri kachoch. Ri sucursal re Nigeria aninaq xubʼij chke ri Comités de Socorro ri rajawaxik kkibʼano rech kkitoʼ ri qachalal rukʼ ri jastaq che kajwataj chke y rech ketoʼ pa ri kikojonik.

•   E 7,505 publicadores rajawaxik xeʼel bʼi pa ri kachoch.

•   E 860 ja ke ri qachalal xkiriq kʼax o xsach kiwach.

•   E 90 Ja rech Ajawbʼal y jun Ja re nimaʼq taq riqbʼal ibʼ xok jaʼ chupam.

 Más che 250,000 dólares xkoj che kitoʼik. Rukʼ wariʼ xloqʼ:

•   Jastaq che ktijowik junam rukʼ kinaqʼ, arroz y fideos.

•   Jastaq che kajwataj chke junam rukʼ colchones y mosquiteros o pabellones.

•   Xesukʼumax o xeyak jujun taq ja.

 ¿Jas xkibʼan ri qachalal rech utz kkibʼan che ukojik ri kuchuj? Jun che ri xkibʼano are che qas xkil na jas kibʼanom ri taq ja we kuya xaq kesukʼumaxik o rajawaxik keyak chi jumul. We rajawaxik kyak chi jumul ri ja, kbʼan jun che kʼax ta ubʼanik y utz kkaʼyik.

 Ri qachalal che xetoʼik sibʼalaj kemaltyoxinik. Jun qachalal ixoq kubʼij: «Kʼi jastaq xkʼextaj pa ri qakʼaslemal rumal ri xkʼulmatajik, xuriq kʼax ri qulew y xsach uwach ri qachoch. Pero xukubʼsaj qakʼuʼx are chiʼ xeqil ri qachalal che xeʼopan che qatoʼik pa riʼ ri qʼij y xojkikʼam bʼi pa jun utz lugar. Xuqujeʼ xojkikotik are chiʼ xyaʼ ri jastaq ktijowik che xutaq lo ri sucursal. Qas qilom pa ri qakʼaslemal ri kubʼij Juan 13:34, 35. Kʼo ta tzij kojkunik kqabʼij rumal ri xqanaʼ pa wajun qʼij riʼ. Qas xqil ri qastzij loqʼoqʼebʼal. Ri nu familia y ri in kqaj kqabʼij chke ri xepe che qatoʼik: maltyox che ri itobʼanik che xiyaʼo are chiʼ qas kajwataj chqe».

 Ri winaq kilom ri chak che kqabʼan che kitoʼik ri qachalal. Pa Sabagreia (estado re Bayelsa), ri kʼamal bʼe re ri tinamit xubʼij: «Kʼo kʼi Iglesias y organizaciones cho ri uwach Ulew are kʼu xaq xiw ri testigos rech Jehová kkibʼan wariʼ. Ri ki organicación ri Testigos are jun chke ri más utz kʼo cho ri uwach Ulew».

 Pa febrero 2023, xkʼulmataj más che 400 poroʼn che sibʼalaj xubʼan kʼax che ri tinamit Chile. Xekʼat más che 430,000 hectáreas (1,062,553 acres), y kʼi jastaq re ri tinamit. Y weneʼ 8,000 winaq rajawaxik xeʼel bʼi pa ri kachoch. Ri sucursal aninaq xuya ri tobʼanik chke ri qachalal rumal ri labores de socorro.

•   E 222 publicadores rajawaxik xeʼel bʼi pa ri kachoch.

•   E 20 ja xsach kiwach.

 Xsach más che 200,000 dólares che kitoʼik ri qachalal. Ri pwaq xkoj che ri jastaq riʼ:

•   Uloqʼik jastaq che ktijowik y joron.

•   Xloqʼ gasolina, kunabʼal y jastaq re chʼajchʼojil.

•   Xeyak chi jumul ri e ja che xkiriq kʼax.

 Jun familia sibʼalaj xkimayo are chiʼ xkilo che ri ki negocio y ri kachoch xsach uwach. Wariʼ xubʼano che kʼo ta chi jawiʼ kkikʼama wi ri kajwataj chke. Pa taq ri nabʼe qʼij are chiʼ xkʼulmataj ri kʼatik ri e areʼ sibʼalaj xkinaʼ bʼis are chiʼ xkil ri xkʼulmataj rukʼ ri kachoch. Pero are chiʼ xkilo che xmaj usukʼumaxik ri kachoch sibʼalaj xkinaʼ kubʼsal kʼuʼx. Ri loqʼoqʼebʼal che xkʼut chkiwach ri qachalal xeʼutoʼ rech xkichʼij ri kʼax. Rumal ri utzilal che xkʼut che wajun familia riʼ e areʼ xkaj xetobʼan che uyakik ri rachoch jun chi qachalal.

 E kʼi qachalal nim xkil ri chak che xkibʼan ri e qachalal che ketobʼan pa ri labores de socorro. Jun qachalal xubʼij: «Ri Comités de Socorro e jun sipanik che uyaʼom ri Jehová. Xa jun qʼij qʼaxinaq ri desastre are chiʼ ri e qachalal re ri labores de socorro xkiya ri kajwataj chqe. Qastzij che kuya qachuqʼabʼ are chiʼ kqasikʼij chrij ronojel ri tobʼanik che kkiya ri qachalal re labores de socorro cho ronojel ri uwach Ulew. Pero are chiʼ at kattoʼik kubʼano che más nim kawil ri utinamit ri Jehová. Xuqujeʼ kqamaltyoxij che ri e qachalal kkesaj uwach ri ubʼantajik ri Jehová y kojkitoʼ rech kʼo ri jastaq qe, oj ko pa ri qakojonik y che kojbʼison taj. Qas xqil ri uloqʼoqʼebʼal ri Jehová».

 Rumal che oj kʼo chi pa ri kʼisbʼal taq qʼij kekʼulmataj na más desastres naturales (Lucas 21:10, 11). Pero ri Qajaw Jesucristo, kʼo che qatoʼik ri are kubʼij: «In kʼo iwukʼ ronojel qʼij kʼa pa ri ukʼistajik ri uwach ulew» y kuya ri tobʼanik chqe rumal ri congregación (Mateo 28:20). Are chiʼ kaya ri a kuchuj che ri obra mundial, pa donate.pr418.com, y kaya ri a tiempo y ri achuqʼabʼ tajin kakʼutu che kawaj katoʼ ri Rey Jesucristo y ri Uqʼatbʼal tzij ri Dios. ¡Sibʼalaj maltyox qachalal rumal ronojel ri ikuchuj che kiyaʼo!