¡AMAQʼEL CHIXKʼASKʼATOQ!
2022: Sibʼalaj kʼi kʼax xkʼulmataj pa wajun junabʼ riʼ | ¿Jas kubʼij ri Biblia chrij wariʼ?
Pa ri junabʼ 2022, sibʼalaj xyaʼ ubʼixik pa taq ri noticias ri chʼoj, ri kʼax che xubʼan ri nimaʼq taq jabʼ, ri kabʼraqan y ri jastaq che xpaqiʼ rajil. Xaq xiw ri Biblia kuya ubʼixik jasche tajin kekʼulmataj ri e kʼax riʼ.
Ri rumal che xekʼulmataj ri e kʼax pa ri 2022
Ri xkʼulmataj junabʼir kukʼutu che oj kʼo «pa ri kʼisbʼal taq qʼijol», che xmajtaj lo pa ri 1914 (2 Timoteo 3:1). Chqilampeʼ che ri kʼax che tajin kekʼulmataj kimik are ri ubʼim kan ri Biblia che kekʼulmataj pa ri kʼisbʼal taq qʼij:
«Chʼoj» (Mateo 24:6).
«Pa ri junabʼ 2022 xmajtaj chi jumul ri chʼoj pa Europa». a
Chawilaʼ ri kʼutunem «Rusia kchʼojin rukʼ Ucrania».
«Wiʼjal» (Mateo 24:7).
«Pa ri 2022 sibʼalaj xubʼan wiʼjal». b
Chawilaʼ ri kʼutunem «Ri chʼoj pa Ucrania tajin kunimarisaj ri wiʼjal pa ronojel ri uwach Ulew».
«Yabʼil» (Lucas 21:11).
«Ri polio, ri viruela del mono y ri COVID-19 e are yabʼil che xaq kkiqʼaxelaʼ ri winaq chbʼil kibʼ, y ukʼutum che kʼo ta kichuqʼabʼ ri winaq che ukunaxik y che uchʼijik». c
Chawilaʼ ri kʼutunem «Seis millones winaq e kaminaq rumal ri COVID».
«Xibʼibʼal» taq jastaq (Lucas 21:11).
«Ri saqʼij re ri junabʼ 2022 xubʼano che xkʼulmataj nimaʼq taq qʼaqʼ, xetzaj ri joron, xubʼan nimaʼq taq poroʼn... che sibʼalaj xubʼan kʼax. Rumal laʼ e kʼi winaq xekamik y xeʼel bʼi pa ri kitinamit». d
Chawilaʼ ri kʼutunem «Sibʼalaj tajin kubʼan qʼaqʼ pa ronojel ri uwach Ulew».
«Ri winaq kkitukij kibʼ» (Lucas 21:9).
«Sibʼalaj takʼalnaq koyowal ri winaq, más na rumal che xpaqiʼ rajil ri jastaq. Rumal laʼ pa ri junabʼ 2022 xbʼan kʼi manifestaciones». e
Chawilaʼ ri kʼutunem «Tajin kpaqiʼ más rajil ri jastaq pa ri uwach Ulew».
¿Jas ri kkʼulmataj pa ri jun chi junabʼ?
Qetaʼm ta ri kkʼulmataj pa ri junabʼ 2023. Are kʼu ri qetaʼm are che naqaj chi kʼo wi ri uQʼatbʼal tzij ri Dios rech kusukʼumaj ri kʼax che kʼo cho ronojel ri uwach Ulew (Daniel 2:44). Jeriʼ kbʼan ri kraj ri Dios cho ri uwach Ulew (Mateo 6:9, 10).
Chqanimaj ri xubʼij kan ri Jesucristo: «Chixkʼaskʼatoq». ¿Jasche? Rumal che tajin ketzʼaqat ri profecías che ubʼim kan ri Biblia (Marcos 13:37). Chattzijon rukʼ jun testigo rech Jehová rech kawetaʼmaj más ri kubʼan ri Biblia che atoʼik y che utoʼik ri afamilia kimik, y rech kawetaʼmaj ri kubʼan ri Dios pa ri petinaq.
a Jill Lawless: «2022 Was Year the Horror of War Returned to Europe,» AP News, 8 re diciembre 2022.
b «Una crisis alimentaria mundial», Programa Mundial de Alimentos.
c Lawrence O. Gostin, JD: «Living in an Age of Pandemics—From COVID-19 to Monkeypox, Polio, and Disease X», JAMA Health Forum, 22 re septiembre 2022.
d Martina Igini: «Whatʼs Behind the Record-Breaking Extreme Weather Events of Summer 2022?», Earth.Org. 24 re octubre 2022.
e Thomas Carothers y Benjamin Feldman: «Economic Anger Dominated Global Protests in 2022», Carnegie Endowment for International Peace, 8 re diciembre 2022.
Wene' xuquje' utz kawilo
ETA'MANIK RE RI BIBLIA CHE NIM KIB'ANIK
¿Jas riʼ ri Rajawbʼal ri Dios?
Pa ri uministerio, Jesús xtzijon más chrij ri Rajawbʼal ri Dios chuwach jun chi kʼutunem. Pa kʼi taq junabʼ, ri e winaq kitom wajun Ajawbʼal riʼ pa chʼawem.
E KʼUTUNEM RECH RI BIBLIA NIM KIBʼANIK
Ri uQʼatbʼal tzij ri Dios xumaj uqʼatik tzij pa 1914
Qʼaxinaq chi más che 2,500 junabʼ ri Dios xubʼano che jun achi che sibʼalaj nim ubʼanik xrachikʼaj jun profecía che kʼa tajin na ktzʼaqat kimik.
NIKʼAJ CHI KʼUTUNEM
Jun utzalaj eyebʼal chrij ri petinaq
Ri kutzujuj ri Dios junam ta rukʼ ri kkitzujuj ri winaq. Ri kubʼij ri Biblia rukʼ ri Dios petinaq wi. Y ¿jasche junam ta rukʼ ri kkibʼij ri winaq?
RI KQABʼANO
Chataʼ jun solinik
Chawetaʼmaj ri kubʼij ri Biblia o chawetaʼmaj más chkij ri testigos rech Jehová.
