Pa ri julio 2022, xbʼixik che sibʼalaj xubʼan qʼaqʼ pa ronojel ri uwach Ulew.

•   «Pa China xubʼan nimalaj qʼaqʼ weneʼ pa 70 tinamit, rukʼ wariʼ kamul chik ubʼanom pa wajun ikʼ riʼ» (25 re julio 2022, servicio de noticias de la CNN).

•   «Pa Europa tajin kekʼat ri e kʼachelaj rumal che sibʼalaj kporon ri qʼij» (17 re julio 2022, The Guardian).

•   «Pa ri domingo jujun taq tinamit re Estados Unidos xkibʼij che sibʼalaj xubʼan qʼaqʼ pa ri sur, ri este y ri Medio Oeste» (24 re julio 2022, The New York Times).

 ¿Jas kraj kubʼij wariʼ? ¿La kraj kubʼij che kekun ta chi ri winaq kekʼojiʼ cho ri uwach Ulew? ¿Jas kubʼij ri Biblia chrij wariʼ?

 Jeʼ kʼolik. Ri nimaʼq taq qʼaqʼ che kubʼan pa ri uwach Ulew kʼo ubʼanik rukʼ ri ubʼim kan ri Biblia che kkʼulmataj na pa taq ri qaqʼij. Jun kʼutbʼal, ri Jesús xubʼij: «Kekʼojiʼ na jastaq xibʼibʼal, kekʼojiʼ na nimaʼq taq etal aj chikaj» (Lucas 21:11). Ri nimaʼq taq qʼaqʼ ubʼanom che e kʼi winaq kkichomaj che ksach uwach ri uwach Ulew.

 Jeʼ taj. Ri Dios ubʼanom ri uwach Ulew rech amaqʼel kekʼojiʼ ri winaq chuwach (Salmo 115:16; Eclesiastés 1:4). Ri Dios kuya taj che ri winaq kkisach uwach ri uwach Ulew, xaneʼ kopan na ri qʼij are taq kusach kiwach «ri kesachow uwach ri uwach ulew» (Apocalipsis 11:18).

 Chqilaʼ chi kebʼ profecías che kukʼut ri kubʼan na ri Dios che ri uwach Ulew:

•   «Chkikot ri chaqiʼj uwo saq, chaqiʼj ulew; chnoj che jajatem, chkotzʼiʼjanoq» (Isaías 35:1). Ri Dios kuya ta bʼe che ri uwach Ulew kuriq kʼax y che kʼo ta chi kʼaslemal chuwach, xaneʼ kusukʼumaj na ri kʼax che uriqom.

•   «Ri lal kok la il che uchajixik ri ulew; kataq la uloq ri jabʼ che ujaʼxik xuqujeʼ kabʼan kʼu la chi kwachinik» (Salmo 65:9). Ri Dios kutewchij na ri uwach Ulew y kux na jun kotzʼiʼj uwach.

 Rech kawetaʼmaj más chrij ri profecías re ri Biblia che kchʼaw chrij ri clima, chawilaʼ ri kʼutunem «¿Jas kubʼij ri Biblia chrij ri clima cho ri uwach Ulew y ri kʼaslemal pa ri petinaq?».

 Rech kawetaʼmaj más chrij ri kubʼij ri Biblia chrij ri kubʼan na ri Dios che usukʼumaxik ri uwach Ulew, chawilaʼ ri kʼutunem «¿Quién salvará el planeta?».