Ronojel taq junabʼ, e kʼi winaq kekam rumal ri drogas y nikʼaj chi kunabʼal che kubʼan kʼax. Y más xnimataj wariʼ rumal ri COVID-19. E kʼi winaq e kunaq che uyaʼik kan ri drogas rumal ri utobʼanik ri Biblia. ¿La tajin kakoj achuqʼabʼ at chuwach ri drogas? Ri e pixabʼ riʼ katkitoʼ rech katkunik kaya kanoq. a

Pa wajun kʼutunem kqil na wariʼ:

•  ¿Jasche rajawaxik kintzukuj tobʼanik pa ri Biblia rech kinya kan jun itzel naqʼatisabʼal?

•  Kajibʼ pixabʼ che kuya ri Biblia rech kyaʼ kan jun itzel naqʼatisabʼal

•  Textos re ri Biblia che katkitoʼ che uyaʼik kan jun itzel naqʼatisabʼal

•  Nikʼaj chi kʼutbʼal: Ri Biblia xeʼutoʼ che ukʼexik ri kikʼaslemal

•  ¿La kubʼij ri Biblia che utz taj ktij kunabʼal che ktobʼan chuwach ri itzel taq naqʼatisabʼal?

•  ¿La kubʼij ri Biblia che utz taj kkoj ri drogas che kunabʼal?

 Ri winaq che kʼo nim ketaʼmabʼal kilom ri rumal che jun winaq kunaqʼatisaj ribʼ che ubʼanik jun itzel naqʼatisabʼal are rumal che kunaʼo che xaq utukel kʼolik, ri estrés, ri ansiedad y ri depresión. Ri Biblia kkunik katutoʼo rech kaya kan jun itzel naqʼatisabʼal y kukʼut chawach ri kabʼano rech katux rachiʼl ri Dios (Salmo 25:14). Ri Biblia katutoʼo rech kaya kan apachike jastaq, paneʼ kachomaj che katkun ta kan che uyaʼik (Marcos 11:22-24).

1.  1. Chachʼobʼoʼ uwach ri Jehová b (Juan 17:3). Are xojbʼanowik y kʼo nimalaj uchuqʼabʼ. Are kʼu xaq xiw ta waʼ, ri areʼ are jun Tat che sibʼalaj katuloqʼoqʼej. Ri areʼ kraj che katux rachiʼl y kukoj ri uchuqʼabʼ che atoʼik (Isaías 40:29-31; Santiago 4:8). Y we kaloqʼoqʼej ri Jehová, kuya na jun utzalaj akʼaslemal pa ri petinaq (Jeremías 29:11; Juan 3:16).

2.  2. Chataʼ tobʼanik che ri Jehová. Chataʼ che ri Dios che katutoʼo rech kaya kan jun itzel naqʼatisabʼal y je wariʼ katux «jun tastalik sipanik [...], ri kqaj chuwach ri Dios» (Romanos 12:1). Ri areʼ kuya achuqʼabʼ o kuya ri ruxlabʼixel chawe, rech kkʼojiʼ ri nimalaj ukunem ri Dios awukʼ (2 Corintios 4:7; Lucas 11:13). Ri ruxlabʼixel ri Dios katutoʼ rech katkunik kaya kan ri drogas y je wariʼ kkʼojiʼ jun kʼakʼ akʼaslemal che kqaj chuwach ri Dios (Colosenses 3:9, 10).

3.  3. Chatchoman chrij ri kubʼij ri Dios pa ri Biblia (Isaías 55:9). Ri Dios katutoʼo rech kakʼex ri achomanik; y je wariʼ katkunik kaya kan ri itzel naqʼatisabʼal (Efesios 4:23). Ri uchomanik ri Dios kʼo pa ri Biblia, rumal laʼ utz che ronojel taq qʼij kasikʼij (Salmo 1:1-3). E jujun utz kkilo che ketoʼ che uchʼobʼik ri kubʼij ri Biblia (Hechos 8:30, 31). Ri oj testigos rech Jehová kqaya tijonik chke ri winaq rech kketaʼmaj ri kubʼij ri Biblia. Y kqabʼij chawe che katbʼe pa ri e qariqbʼal ibʼ, je wariʼ kawetaʼmaj ri kubʼij ri Biblia y rech kabʼan pa ri akʼaslemal.

4.  4. Chatkʼol kukʼ winaq che kkiya tobʼanik chawe. We tajin kakoj achuqʼabʼ chuwach jun itzel naqʼatisabʼal, chnaʼtaj chawe che ri awachiʼl kʼo kkibʼan pa ri akʼaslemal (Proverbios 13:20). Are chiʼ kojkʼojiʼ kukʼ winaq che kkipatanij ri Dios, keqariq utz taq qachiʼl. Y ri Dios kraj che keqariq ri utzalaj taq achilanik riʼ, rumal che kojkitoʼo (Salmo 119:63; Romanos 1:12). Xuqujeʼ qas utz chabʼanaʼ che uchaʼik ri etzʼanem che kabʼano, rumal che ri kasikʼij, ri kawilo o ri katatabʼej kubʼano che katkʼojiʼ kukʼ winaq che weneʼ man e utz taj. Rumal laʼ, chaxutuj apachike jastaq che kubʼano che katkun taj kaya jun itzel naqʼatisabʼal (Salmo 101:3; Amós 5:14).

 Filipenses 4:13: «Ronojel kinkun che ubʼanik rumal ri kyaʼow nuchuqʼabʼ, Traducción del Nuevo Mundo».

 «Wetaʼm che kinkun taj kinya kan ri drogas nutukel. Rumal laʼ, xintaʼ che ri Dios che kinutoʼo. Xuya ri chuqʼabʼ che xajwataj chwe» (Patrizia, che kel pa Italia).

 Joseph Ehrenbogen xkʼiy pa jun familia che sibʼalaj kechʼojinik y xkʼaman utijik tzam che, sikʼ, marihuana, y heroína. Xa jubʼiqʼ xraj xkam rumal wariʼ, are kʼu rumal jun texto che xusikʼij pa ri Biblia xrilo che kkunik kukʼex ri ukʼaslemal. Chawilaʼ ri xubʼano pa ri kʼutunem «Aprendí a respetar a las mujeres y a respetar mi vida».

 Dmitry Korshunov kʼi taq mul xukoj uchuqʼabʼ chuwach ri qʼabʼarik. Chawilaʼ ri video «Sibʼalaj itzel xwil ri nukʼaslemal» rech kawetaʼmaj ri xubʼano rech xkunik xuya kan ri qʼabʼarik.

 Ri Biblia kubʼij: «Ri winaq ri e utz man rajawaxik ta kunal kech, xaneʼ ri kʼo yabʼil chke» (Mateo 9:12). Ri Instituto Nacional sobre el Abuso de Drogas pa Estados Unidos kubʼij: «Ri winaq che naqʼatal che utijik drogas kʼax kubʼan che uyaʼik kanoq y kajwataj tobʼanik che». Are kʼu, ri chuqʼabʼ che kuya ri Dios más nim na ubʼanik chuwach ri uchuqʼabʼ ri winaq. Paneʼ jujun e kunaq che uyaʼik kan ri itzel naqʼatisabʼal rukʼ ri utobʼanik ri Dios are kʼu xajwataj ri utobʼanik jun kunanel chke. c Jun kʼutbʼal, jun achi ubʼiʼ Allen kubʼij wariʼ: «Are chiʼ kintij ta chi ri tzam, kinnaʼ jun nimalaj kʼax pa ri nucuerpo. Xinwilo che paneʼ ri Biblia tajin kinutoʼo are kʼu xajwataj ri utobʼanik jun kunanel chwe».

 No. Ri Biblia kubʼij che ri tzam kkoj che taq yabʼil y utz kkoj che jun winaq che tajin kkam rumal jun qʼoxom (Proverbios 31:6; 1 Timoteo 5:23). Are kʼu, utz che kojchoman chrij che ri kunabʼal kjunamataj rukʼ ri tzam che kubʼano che jun winaq kkʼaman che kutijo. Rumal laʼ utz che kojchoman chrij ri kʼax che kuya ri kunabʼal che ktijik y qas kqil na jas kunabʼal kqatij che jun yabʼil (Proverbios 22:3).