Kamik chuwach ronojel ri uwach Ulew e kʼo 70 millones winaq che kkita taj, y e kʼi chke are kkikoj ri más che 200 leguajes de señas che kʼolik. Sibʼalaj bʼisobʼal rumal che kbʼan kʼax chke ri e winaq che kkita taj, junam rukʼ ri xkibʼij e jujun winaq:

•   «Cho ronojel ri uwach Ulew, ri e winaq kechoman ta chrij ri kajwataj chke ri kkita taj» (Asociación Nacional de Sordos de Estados Unidos).

•   «Sibʼalaj e mebʼaʼ ri winaq che kkita taj, más na pa taq ri tinamit che qas ta e qʼinom, kʼo ta tijobʼal chke y kʼax kkibʼan che uriqik jun kichak rumal che kchomaxik che kʼo ta ketaʼmabʼal» (Federación Mundial de Sordos).

 ¿La kel ukʼuʼx ri Dios chke ri winaq che kkita taj? ¿Jas kubʼij ri Biblia chkij? ¿Y jas tajin kkibʼan ri testigos rech Jehová che kitoʼik?

¿Jas kuchomaj ri Dios chkij ri winaq che kkita taj?

 Ri Biblia kubʼij che ri Jehová a kel ukʼuʼx chke. Kraj che kketaʼmaj chrij, y kraj taj che keqaxutuj.

 Texto re ri Biblia: «Makʼoqoj ri man ktan taj [kuta taj]» (Levítico 19:14).

 Texto re ri Biblia: «Ri Dios man jalan ta keril wi [...] ri winaq» (Hechos 10:34).

 Texto re ri Biblia: «Ri Jesús xeʼusolij konojel ri tinimit xuqujeʼ ri alaj taq tinimit [...]. [X]utzijoj ri utzalaj tzijol re ri rajawbʼal ri Dios» (Mateo 9:35).

 Texto re ri Biblia: Ri Jesús «kubʼano che kkita ri e so’r [tokon] winaq e keʼuchʼawisaj ri e mem» (Marcos 7:37, TW).

 Texto re ri Biblia: «Ktortaj[...] riʼ ri kixikin ri e soʼr» (Isaías 35:5).

 Ri kraj kubʼij: Ri Jehová ubʼim che ri kkita taj, kkita na (Isaías 29:18).

¿Jas tajin kkibʼan ri testigos rech Jehová che kitoʼik ri winaq che kkita taj?

 Cho ronojel ri uwach Ulew ri oj testigos rech Jehová, kqakʼut chke ri winaq che kkita taj ri eyebʼal kʼuʼxaj che kubʼij ri Dios. ¿Jas kqabʼan che ukʼutik chkiwach? Qaqʼaxem ri Biblia pa video y qabʼanom nikʼaj chi videos pa más che 100 lenguajes de señas rech kketaʼmaj ri kubʼij ri Biblia. Xuqujeʼ kqaya etaʼmabʼal re ri Biblia y kqabʼan riqbʼal ibʼ pa lenguaje de señas, kqabʼan wariʼ rech keqatoʼ ri winaq rech kketaʼmaj más chrij ri Dios y ronojel wariʼ tojom taj. ¿Jasche tojom taj? Rumal che ri Jesús xubʼij kan wariʼ: «Man kʼo ta xiya che ri xikʼamo; chiyaʼ kʼu chke ri winaq, man kʼo ta jas kitoqʼij chke» (Mateo 10:8).

 ¿Jawiʼ kariq wi ri Biblia y ri tobʼanik chke ri winaq che kkita taj? Pa waʼ taq kebʼ kʼolbʼal riʼ:

 Ri qakʼolbʼal pa internet jw.org. Are chiʼ at kʼo chi chupam, chapitzʼaʼ jawiʼ kubʼij wi «Chʼabʼal», chachaʼ jun lenguaje de seña y tekʼuriʼ chatzukuj ri kawaj kawilo.

 Ri aplicación JW Library Sign Language. Chabʼanaʼ descargar wajun aplicación riʼ pa ri ateléfono, che tojom taj, chilaʼ katkunik kawil videos o kabʼan descargar pa lenguajes de señas.

¿Jas ketoʼw ri winaq rech kekunik kketaʼmaj chrij ri Biblia?

 Ri Biblia pa lenguaje de señas. Ri Traducción del Nuevo Mundo pa lenguaje de señas americano are ri nabʼe che xqʼaxex pa lenguaje de señas. Jujun taq libros re ri Traducción del Nuevo Mundo e kʼo pa lenguajes de señas y pa nikʼaj chi kʼo ronojel ri Biblia, y ronojel taq junabʼ tajin kbʼan pa más lenguajes de señas. (Rech kawil ronojel ri lenguajes de señas o rech kawil ri Biblia pa internet, chawilaʼ ri recuadro « Ri Traducción del Nuevo Mundo pa lenguaje de señas»).

•   Rech kawetaʼmaj ronojel ri kbʼan che uqʼaxexik ri Biblia pa lenguajes de señas chawilaʼ ri video La Traducción del Nuevo Mundo completa en lenguaje de señas americano ya está disponible.

•   Rech katkunik kawilo ri kubʼij ri Biblia, chabʼanaʼ descargar ri aplicación JW Library Sign Language. Chilaʼ katkunik kapitzʼ ri versículo che kawaj kawilo.

•   Paneʼ xaq xiw ri a Dmytro y ri rixoqil Vita e soʼr, chawilaʼ ri e utoʼm wi rilik ri Biblia ronojel taq qʼij pa lenguaje de señas kukʼ ri kebʼ kalkʼwal.

 Videos che kuqʼalajisaj más ri kubʼij ri Biblia. Ri oj testigos rech Jehová qabʼanom videos pa lenguaje de señas rech ri winaq kkichʼobʼ ri pixabʼ che kubʼij ri Biblia y kkibʼan pa kikʼaslemal. Ri pixabʼ re ri Biblia keʼutoʼ konojel.

•   Matrimonios y familias

•   Adolescentes y jóvenes adultos

•   Niños

 Etaʼmanik re ri Biblia. Pa ri etaʼmanik re ri Biblia katkunik kawetaʼmaj más, katkowix ta che y kʼo pa lenguaje de señas. Chataʼ jun solinik y chawilaʼ ri kbʼan che wajun etaʼmanik riʼ che tojom taj.

 Ri a Jeson Senajonon kel pa Filipinas, xukʼam jun etaʼmanik re ri Biblia y wariʼ xutoʼ rech xux rachiʼl ri Dios. Chawilampeʼ ri xukʼulmaj.

 Ri a Mario Antúnez ojer kanoq are jun pastor evangélico re Honduras. Chawilaʼ ri xtoʼwik rech xuriq ri urespuestas ri upreguntas che kʼo chrij ri Biblia, pa ri ubiografía ubʼiʼ «Tenía muchas preguntas y pocas respuestas».

 Riqbʼal ibʼ y nimaʼq taq riqbʼal ibʼ. Cho ronojel uwach Ulew e kʼo congregaciones y grupos re lenguaje de señas, pa waʼ taq congregaciones riʼ e kʼi chke ri kkita taj kkimulij kibʼ rech kkiqʼijilaj y kketaʼmaj más chrij ri Dios ronojel taq semanas. Xuqujeʼ ronojel taq junabʼ kbʼan nimaʼq taq riqbʼal ibʼ, rech ketaʼmax más chrij ri Biblia. We jun winaq moy y kuta taj, pa taq ri riqbʼal ibʼ y pa taq ri e nimaʼq taq riqbʼal ibʼ ktoʼik rech kuchʼobʼ ri tajin kbʼixik. ¿Jas kʼu kbʼan che utoʼik? Are che jun qachalal kuchap ri uqʼabʼ ri winaq riʼ y kumaj ubʼanik señas rukʼ. Xuqujeʼ kʼo qawuj pa braille che tojom taj.

•   Chatzukuj jun congregación che kʼo naqaj chawe.

•   Chawilaʼ ri kbʼan pa ri nimaʼq taq riqbʼal ibʼ.

•   Chojawachilaj pa ri riqbʼal ibʼ más nim ubʼanik, ri Unaʼtabʼalil ri ukamikal ri Jesús.

 Ri a José Luis Ayala, che kel pa México, kuta taj are chiʼ xalaxik y chiʼ xqʼax ri tiempo xuqujeʼ xmoyirik. Chawilampeʼ ri xbʼan che utoʼik rech xux jun utz ajtij re ri Biblia.