Ronojel taq junabʼ kkʼulmataj k’i taq kabʼraqan. Jujun taq mul nimaʼq ta más, are k’u nikʼaj chik kusachisaj uwach ronojel y keʼukamisaj e k’i winaq. Ri nimaʼq taq kabʼraqan ri’ kubʼano che kkʼulmataj tsunamis che ke’usachisaj ri tinamit che e k’o chunaqaj ri playa y ke’ukamisaj k’i winaq. ¿Jas kuya’ ubʼixik ri Biblia chrij ri nimaʼq taq kabʼraqan?

Pa wajun kʼutunem ri’ kqil na:

•  ¿La kuya ubʼixik ri Biblia che kkʼulmataj nimaʼq taq kabʼraqan?

•  ¿La kʼo profecías re ri Biblia che kchʼaw chrij ri nimaʼq taq kabʼraqan?

•  ¿Jas kubʼan ri profecías riʼ pa ri qakʼaslemal?

•  Molom taq tzij che kbʼix chrij ri profecías re ri Biblia y ri nimaʼq taq kabʼraqan

 Ri Jesús xchʼaw chrij ri nimaʼq taq kabʼraqan are chi’ xuya’ ubʼixik wajun profecía ri’. Kojkunik kqil wariʼ chupam oxibʼ textos:

 «Kawalij na jun nim tinamit chrij jun nim tinamit chik. Kawalij na jun ajawib’al chrij jun ajawibʼal chik. Pa jalajoj taq kʼolbʼal kepe na wiʼjal, xuqujeʼ keʼubʼan na kabʼraqan» (Mateo 24:7).

 «Kawalij na jun nim tinamit chrij jun nim tinamit chik, kawalij na jun ajawib’al chrij jun ajawibʼal chik. Kubʼan na kabʼraqan pa jalajoj taq kʼolbʼal, kepe na wiʼjal. Chaplebʼal kʼu waʼ ke qʼoxowem» (Marcos 13:8).

 «Kubʼan na nimaʼq taq kabʼraqan. Kepe na wiʼjal rukʼ yabʼil pa jalajoj taq kʼolbʼal. Kekʼojiʼ na jastaq xibʼibʼal, kekʼojiʼ na nimaʼq taq etal aj chikaj» (Lucas 21:11).

 Ri Jesús xuya ubʼixik che «kubʼan na kabʼraqan pa jalajoj taq kʼolbʼal» xuqujeʼ chʼoj, wi’jal y yabʼil. Ronojel ri tajin kkʼulmatajik kukʼutu che oj k’o chi pa ri «ukʼisbʼalil ri uwach Ulew» o «ri kʼisbʼal taq qʼijol» (Mateo 24:3; 2 Timoteo 3:1). Are chi’ kojchoman chrij ri kukʼut ri Biblia, kqilo che oj k’o chi pa ri kʼisbʼal taq qʼijol che xumajij lo pa 1914 y che majaʼ kkʼisik.

 Jeʼ, kʼolik. Ri profecía che xuya ubʼixik ri Jesús, chrij ri nimaʼq taq kabʼraqan are waʼ ri tajin kqil kimik. Umajim lo pa ri junabʼ 1914 kʼulmatajinaq más che 1.950 nimaʼq taq kabʼraqan che ukamisam más che kebʼ millón winaq. a Chqilaʼ jujun kʼutbʼal re ri nimaʼq taq kabʼraqan che kʼulmatajinaq pa ri e kʼisbʼal taq junabʼ.

 Océano Índico (2004). Jun kabʼraqan unimal 9,1 xubʼano che xkʼulmataj jun tsunami che xubʼan kʼax che e kʼi tinamit y xeʼukamisaj 225.000 winaq.

 China (2008). Jun kabʼraqan unimal 7,9 xusachisaj e kʼi tinamit. Weneʼ 90.000 winaq xekamik, 375.000 xesokotajik y e kʼi winaq xsach uwach ri kachoch.

 Haití (2010). Jun kabʼraqan unimal 7 y che xuya ta kan silabʼem, xukamisaj más che 300.000 winaq y más che jun millón xsach uwach ri kachoch.

 Japón (2011). Jun kabʼraqan unimal 9 y e kʼi tsunamis xukamisaj 18.500 winaq, y sibʼalaj e kʼi xeʼel bʼi pa ri kachoch. Xuqujeʼ xubʼan kʼax che ri central nuclear re Fukushima y rumal wariʼ e kʼi winaq xkiriq kʼax. Qʼaxinaq chi diez junabʼ, are kʼu 40.000 winaq che e kʼo chu naqaj ri planta nuclear, e kunaq taj e tzalijinaq pa kachoch rumal che kʼa kʼo na ri radiación.

 Ri kuya ubʼixik ri Biblia chrij ri kabʼraqan kukʼut ri kkʼulmataj na. Ri Jesús xubʼij: «Are taq kiwilo chi kebʼantaj we jastaq riʼ, chichʼobʼoʼ chi ri rajawbʼal ri Dios naqaj chik kʼo wi» (Lucas 21:31).

 Ri Biblia kubʼij che ri uQʼatbʼal tzij ri Dios are jun qʼatbʼal tzij che kʼo pa ri kaj y che ri kqʼatow tzij are ri Jesucristo. Ri Jesús xukʼut chkiwach ri utijoxelabʼ che rajawaxik kkibʼan kichʼawem puwiʼ wajun Qʼatbʼal tzij riʼ (Mateo 6:10).

 Are chiʼ ri uQʼatbʼal tzij ri Dios kuqʼat tzij puwiʼ ri uwach Ulew, kʼo ta chi nijun winaq riʼ kuriq kʼax rumal ri desastres naturales (Isaías 32:18). Y xaq xiw ta wariʼ, xuqujeʼ kusachisaj uwach ri kʼax y ri xibʼin ibʼ che uyaʼom ri kabʼraqan chke ri winaq (Isaías 65:17; Apocalipsis 21:3, 4). We kawaj kawetaʼmaj más, chawilaʼ ri kʼutunem «¿Qué cosas logrará el Reino de Dios?».