Pa ri 9 re octubre 2024, ri Fondo Mundial para la Naturaleza xuya ubʼixik ri kʼax che kuya ri tajin kkibʼan ri winaq chke ri chikop. Wajun informe riʼ kuya ubʼixik che «ri e chikop e kʼi ta chi más chuwach ri e kʼo 50 junabʼ kanoq (1970-2020)». Xuqujeʼ kubʼij: «Qastzij wi che ri kkʼulmataj na pa 5 junabʼ kukʼut ri kkʼulmataj rukʼ ri kʼaslemal cho ri uwach Ulew».

 E kʼi winaq kkimay ri kuya ubʼixik wajun informe riʼ. Sibʼalaj utz kqil ronojel ri kʼo chuwach ri uwach Ulew, rumal laʼ kojbʼisonik are chiʼ kqilo che ri e chikop tajin ksach kiwach. Kqanaʼ wariʼ rumal che are ri Dios xbʼanowik che kqaj keqachajij ri e chikop (Génesis 1:27, 28; Proverbios 12:10).

 Rumal laʼ weneʼ kqachomaj wariʼ: «¿La kojkunik keqatoʼ ri e chikop? ¿La kʼo kubʼij ri Biblia chrij wariʼ?».

 Paneʼ kqakoj qachuqʼabʼ are kʼu kojkun taj kqabʼano che ma ta kuriq kʼax ri uwach Ulew y ri e chikop, xaq xiw ri Dios kkunik keʼutoʼo. Ri Biblia kubʼij pa Apocalipsis 11:18 che ri Dios kusach na «kiwach ri kesachow uwach ri uwach ulew». Wajun versículo kukʼut kebʼ jastaq chqawach:

1.  1. Ri Dios kuya ta bʼe chke ri winaq kkisach uwach ri uwach Ulew.

2.  2. Naj ta chi kraj ri Dios kusukʼumaj ri kʼax. ¿Jasche ketaʼm wariʼ? Rumal che kamik ri winaq más tajin kkisach kiwach ri e chikop.

 ¿Jas kubʼan ri Dios che usukʼumaxik ri kʼax che tajin kbʼan chke ri chikop? Are kukoj na ri Uqʼatbʼal tzij, jun qʼatbʼal tzij che kʼo pa ri kaj y che kusukʼumaj juntir ri kʼax che kʼo cho ri uwach Ulew (Mateo 6:10). Wajun Qʼatbʼal tzij riʼ keʼutoʼ y keʼutijoj na ri winaq rech kekichajij ri chikop (Isaías 11:9).