Pa 27 re enero 2023, e kʼi winaq kkinaʼtasaj ri qʼij che xekamisax e kʼi judíos (Día Internacional en Memoria del Holocausto). Rumal ri kʼax che xbʼan chke ri judíos 75 junabʼ kanoq weneʼ kachomaj wariʼ: «¿Jasche ri Dios xuya bʼe che xekamisax e kʼi judíos?».

•   Rech kawetaʼmaj ri kubʼij ri Biblia chrij wariʼ chasikʼij ri kʼutunem «¿Jasche ri Dios kʼo ta xubʼano chiʼ xekamisax e kʼi judíos?».

 Más na chke ri judíos xbʼan wi kʼax, rumal che e kʼi xekamisaxik. Xuqujeʼ e kʼo nikʼaj chik winaq che xbʼan kʼax chke y xekamisaxik. Chkixoʼl ri e winaq riʼ e kʼo ri testigos rech Jehová.

•   Rech kawetaʼmaj más chrij ri xkʼulmatajik chasikʼij ri kʼutunem «¿Qué les ocurrió a los testigos de Jehová durante el Holocausto?».

 E kʼi winaq kkixibʼij kibʼ rumal che weneʼ kkʼulmataj chi jumul ri xbʼan chke ri judíos. Are kʼu sibʼalaj kukubʼsaj qakʼuʼx rumal che ri Biblia kutzujuj che kkʼulmataj ta chi jun kʼax junam rukʼ wariʼ.

•   «In e wetaʼm ri chomanik ri e kʼo wukʼ chiwe, chomanik che ubʼanik utzil chiwe man che ta etzelal, che uyaʼik jun eyebʼal kʼuxaj ri kpe na. In, ri Ajawaxel, kinjikibʼaʼ ubʼixik» (Jeremías 29:11). a

 Wajun tzujunik kbʼantajik are chiʼ ri Jehová kusachisaj uwach ri kʼaxkʼolil y ri itzelal pa wajun uwach Ulew riʼ. Naj ta chi kraj ri Dios kukʼam lo ri e tewchibʼal riʼ:

•   Kukʼis tzij pa kiwiʼ ri itzel taq winaq che kkibʼan kʼax chke ri e nikʼaj chik (Proverbios 2:22).

•   Keʼutoʼ na konojel ri kiriqom kʼax (Apocalipsis 21:4).

•   Keʼukʼasuj na lo ri e kaminaqibʼ (Juan 5:28, 29).

 Katkunik kakubʼsaj akʼuʼx chrij ri utzalaj kʼaslemal riʼ che kutzujuj ri Dios chqe. We kawaj kawetaʼmaj jasche kakubʼsaj akʼuʼx chrij, chawetaʼmaj chrij ri Biblia kukʼ ri testigos rech Jehová.