Ri Qʼatal taq tzij ri taq organizaciones kekun taj kkiya jamaril cho ri uwach Ulew. Xumaj lo pa ri Segunda Guerra Mundial kʼa kimik sibʼalaj kʼi kʼax tajin kkʼulmatajik. Weneʼ e 2,000 millones e winaq —are jun chʼaqapil chke konojel ri winaq— e kʼo pa ri lugares jawiʼ tajin kbʼan wi chʼoj.

 ¿Jasche kekun taj kkiriq jamaril ri e winaq? ¿Jas kubʼij ri Biblia chrij wariʼ?

1.  1. Ri Biblia kubʼij che pa taq qaqʼij «Kekʼojiʼ na winaq ri kkiloqʼoqʼej kibʼ chkibʼil kibʼ, ri kkiloqʼoqʼej ri pwaq, ri nimaʼq kibʼanik kkibʼan chi kibʼ, […] man chʼajchʼoj ta ri kikʼaslemal, […] man e kuyenelabʼ taj, […] man kkijikʼ ta kibʼ, e kʼanalaj taq winaq, […] man kkichomaj ta ri kkibʼano, […] jeʼl kkinaʼ ubʼanik ri kirayibʼal». Waʼ taq e bʼantajik riʼ kubʼano che kkaj taj kkʼojiʼ jamaril chkixoʼl (2 Timoteo 3:2-4).

2.  2. Ri e winaq, chkijujunal o pa jupuq, kekun taj kkesaj ri kʼaxkʼolil rumal che kʼo ta kukʼ ri utobʼanik ri Dios, Jehová. a Ri Biblia kubʼij «chi ri winaq [...] man kʼo ta utaqanik puwiʼ ri ubʼinem» (Jeremías 10:23).

3.  3. Ri uwach Ulew kʼo pa uqʼabʼ jun itzel qʼatal tzij che nim uchuqʼabʼ «ri keʼusubʼ konojel ri winaq». Are ri Satanás, che kbʼix Itzel che. Rumal che «ronojel kʼu ri uwach ulew kʼo pa uqʼabʼ ri itzel», rumal laʼ kʼo kʼi kʼax y chʼoj (Apocalipsis 12:9; 1 Juan 5:19).

 Ri Biblia kubʼij che are ri Dios ri kyaʼow na ri jamaril, are ta ri e winaq.

•   «In e wetaʼm ri chomanik ri e kʼo wukʼ chiwe, chomanik che ubʼanik utzil chiwe man che ta etzelal, che uyaʼik jun eyebʼal kʼuxaj ri kpe na. In, ri Ajawaxel, kinjikibʼaʼ ubʼixik» (Jeremías 29:11).

 ¿Jas kubʼan che utzʼaqatisaxik wajun tzujunik riʼ? Ri Biblia kubʼij: «Ri Dios aj jamaril, kubʼan na chi kuxaqʼalej ri Satanás» (Romanos 16:20). Ri Dios kukoj na pa ri kaj jun Qʼatbʼal tzij rech kuya jamaril cho ri uwach Ulew. Ri Biblia kubʼij che are ri «Uqʼatbʼal tzij ri Dios», Ri Uqʼatal tzij are ri Jesucristo (Lucas 4:43). Are chiʼ ri Jesús kumaj taqanem pa uwiʼ ri uwach Ulew, ri e winaq kkiriq na jamaril pa ri kikʼaslemal (Isaías 9:6, 7). 

•   We kawaj kawetaʼmaj más, chasikʼij ri kʼutunem «¿Qué cosas logrará el Reino de Dios?»