Pa ri 19 re mayo 2022, ri Consejo de Seguridad re ri Naciones Unidas xbʼix chke kumal e 75 funcionarios nimaʼq kibʼanik che «ri wiʼjal xuya ri COVID-19 y ri kʼax uriqom ri uwach Ulew, tajin knimataj más rumal ri chʼoj che tajin kbʼan pa Ucrania». Are chiʼ xqʼax kebʼ oxibʼ qʼij, ri wuj The Economist xuya ubʼixik che «ri chʼoj tajin kukʼam lo jun kaqalaj wiʼjal». Pa ri Biblia xtzʼibʼax kanoq che pa taq ri qaqʼij kilitaj nimaʼq taq wiʼjal, are kʼu xuqujeʼ kojutoʼo rech kqariq ri kqabʼan chuwach.

•   Ri Jesús xubʼij kanoq: «Kwalij na jun nim tinamit chrij jun nim tinamit chik. Kwalij na jun ajawibʼal chrij jun ajawibʼal chik. Pa jalajoj taq kʼolbʼal kepe na wiʼjal» (Mateo 24:7).

•   Ri wuj re Apocalipsis che kʼo pa ri Biblia, kchʼaw chkij kajibʼ ajkejabʼ. Jun chke kukʼut ri chʼoj. Teren chi lo jun chrij che kukʼut ri numik o wiʼjal, kchʼaw chrij jun tiempo are chiʼ qas ta kʼo chi ktijowik y sibʼalaj paqal rajil ri jastaq. «Xinwil kʼu jun qʼeq rij kej. Ri tʼuyul chrij, kʼo jun pajbʼal pa uqʼabʼ. Xinta jun chʼabʼal [...] ri xubʼij: ‹Kebʼ libra triko che ri kachʼak che jun qʼij chak, waqibʼ libra cebada che ri kachʼak che jun qʼij chak›» (Apocalipsis 6:5, 6).

 Waʼ we profecías re ri Biblia kchʼaw chrij ri wiʼjal tajin kebʼantaj pa ri tiempo che ri Biblia kubʼij «ri kʼisbʼal taq qʼijol» che (2 Timoteo 3:1). Rech kawetaʼmaj más chrij «ri kʼisbʼal taq qʼijol» y ri ajkejabʼ che kʼo pa ri wuj re Apocalipsis, chawilaʼ ri video Pa 1914 xkʼextaj ri uwach Ulew y chasikʼij uwach ri kʼutunem «¿Qué representan los jinetes del Apocalipsis?».

•   Ri Biblia kʼo pixabʼ chupam che kojutoʼ chuwach taq ri kʼax kqariqo, kʼo ubʼanik rukʼ ri kqabʼano are chiʼ kpaqiʼ rajil ri jastaq o are chiʼ kʼo ta chi ktijowik. Chawilaʼ jujun taq kʼutbʼal pa ri kʼutunem «Cómo vivir con menos».

•   Ri Biblia xuqujeʼ kuya eyebʼal chqe che ksukʼumax na ri jastaq. Kubʼij che kopan na jun qʼij che kkʼis ta chi ri triko pa ri ulew y konojel ri winaq sibʼalaj kʼo kkitijo (Salmo 72:16). Rech kawetaʼmaj más chrij ri eyebʼal che kuya ri Biblia chrij ri petinaq y jasche kakubʼsaj akʼuʼx chrij ri kubʼij, chasikʼij ri kʼutunem «La esperanza real de un mañana mejor».