¡AMAQʼEL CHIXKʼASKʼATOQ!

Tajin ktzaj ri jaʼ cho ri uwach Ulew | ¿Jas kubʼij ri Biblia chrij wariʼ?

TAJIN KUJAQ PA

«Sibʼalaj xubʼan qʼaqʼ pa China y oxmul chik ubʼanom wariʼ» (The Guardian, 7 re septiembre 2022).
«Xilik che pa ri Gran Cuerno de África cinco junabʼ chik che kʼo ta jaʼ» (Noticias ONU, 26 re agosto 2022).
«Pa kʼi taq lugares re ri tinamit Europa tajin ktzaj ri jaʼ, ubʼanom ta wariʼ pa 500 junabʼ» (BBC News, 23 re agosto 2022).

E kʼi winaq che kʼo nim ketaʼmabʼal kkibʼij che ri qʼaqʼ kkʼis taj xaneʼ más knimatajik. ¿La kopan na jun qʼij che kkʼisik? ¿Jas kubʼij ri Biblia chrij wariʼ?

Tajin ktzaj ri jaʼ y ri profecías re ri Biblia

Are wariʼ ri xuya ubʼixik ri Biblia che kkʼulmataj na pa taq ri qaqʼij:

«Pa jalajoj taq kʼolbʼal kepe na wiʼjal» (Mateo 24:7).

Kʼi taq mul are chiʼ kʼo ta chi jaʼ wariʼ kubʼano che kʼo ta chi kkitij ri winaq. Y ri profecías che kʼo pa ri Biblia kchʼaw chrij ri wiʼjal y ri kʼax che kuyaʼo, junam rukʼ ri kamikal (Apocalipsis 6:6, 8).

¿Jasche más tajin ktzaj ri jaʼ cho ri uwach Ulew?

Ri Biblia kuya ubʼixik jun rumal che tajin ktzaj ri jaʼ. Kubʼij wariʼ:

«Ri winaq man pa uqʼabʼ taj kʼo wi ri ukʼaslemal, chi man kʼo ta utaqanik puwiʼ ri ubʼinem» (Jeremías 10:23).

Wariʼ kraj kubʼij che ri winaq kuriq ta utzilal rumal che «kʼo ta utaqanik puwiʼ ri ubʼinem». Y rumal che utz ta ri kuchaʼ ubʼanik tajin ktzaj ri jaʼ cho ri uwach Ulew y kchaqiʼjarik.

Kʼi chke ri científicos kkibʼij che kumal ri winaq tajin kubʼan nimaʼq taq qʼaqʼ cho ri uwach Ulew. Rumal laʼ más tajin ktzaj ri jaʼ pa ronojel ri uwach Ulew.
Ri e ukʼiyibʼal taq ri jaʼ tajin ketzajik. ¿Jasche? Rumal che ri urayixik más pwaq y ri kkichaʼ ubʼanik ri winaq ubʼanom che tajin ksach uwach ri e kʼachelaj, kuriq kʼax ri uwach Ulew y utz ta tajin kbʼan che ukojik ri ubʼanom ri Dios.

Are kʼu, ri Biblia kuya kubʼsal qakʼuʼx.

¿La kopan na jun qʼij che ktzaj ta chi ri jaʼ?

Ri Biblia kubʼij che ri Dios kubʼan na che ktzaj ta chi ri jaʼ. ¿Jas kubʼan che ubʼanik?

1. Ri Dios kusach na «kiwach ri kesachow uwach ri uwach ulew» (Apocalipsis 11:18). Kusach na uwach ri kbʼanowik che kʼo ta más jaʼ: ri itzel taq winaq y ri kkirayij más pwaq kibʼanom che ri uwach Ulew uriqom kʼax (2 Timoteo 3:1, 2).
2. «Ri chaqiʼj uwo saq kux na jun cho, ri chaqiʼj ulew knoj na che kikʼiyibʼal taq jaʼ» (Isaías 35:1, 6, 7). Ri Dios kusachisaj na ronojel ri kʼax che kʼolik rumal che kʼo ta jaʼ y kubʼan na che ri uwach Ulew kux jun kotzʼiʼj jawiʼ kkʼis ta chi ri jaʼ.
3. «Ri lal kok la il che uchajixik ri ulew; kataq la uloq ri jabʼ che ujaʼxik» (Salmo 65:9). Rukʼ ri utobʼanik ri Dios, kkʼis ta chi ri ktijowik y ri jaʼ cho ri uwach Ulew.