Kʼateʼ majaʼ naj, ri winaq che nim ketaʼmabʼal chrij ri tecnología, ri e qʼatal taq tzij y ri científicos xechʼaw chrij ri tajin kubʼan ri tecnología o ri kbʼix inteligencia artificial che (IA). Paneʼ kilom che nim ktobʼan wi are kʼu xuqujeʼ kilom che utz ta tajin kbʼan che ukojik.

•    «Ri tecnología nim ktobʼan wi pa ri kikʼaslemal ri winaq [...]. Are kʼu, xuqujeʼ kubʼan kʼax che ri qaderechos, apachike chi winaq kkunik krilo ri kqabʼano, xaq chi kkixibʼij kibʼ ri winaq y kkikubʼsaj ta chi kikʼuʼx chrij ri e qʼatal taq tzij» (Kamala Harris, vicepresidenta re Estados Unidos, 4 re mayo 2023).

•    «Paneʼ ri tecnología (Inteligencia artificial) nim ktobʼan wi rech ri e winaq kkichajij ri kisalud, are kʼu xuqujeʼ kubʼan kʼax chke o kubʼano che keyawajik» (Jupuq kunanelabʼ re jalajoj taq tinamit y winaq nim ketaʼmabʼal chrij ri salud che kʼamom kibʼe kumal ri kunalel Frederik Federspiel, BMJ Global Health, 9 re mayo 2023). a

•    «Ri tecnología xuqujeʼ kkojik rech kbʼix molom taq tzij. Pa jubʼiqʼ tiempo weneʼ ksach uwach kʼi chak rumal ri tecnología. Y jujun winaq che kʼo nim ketaʼmabʼal kkibʼij che weneʼ rukʼ ri tiempo kuya pa kʼax ri kikʼaslemal ri winaq» (The New York Times, 1 re mayo 2023).

 Rukʼ ri tiempo kil na we ri tecnología kʼo ktobʼan wi o xa kubʼan kʼax. ¿Jas kubʼij ri Biblia chrij wariʼ?

 Ri Biblia kukʼutu che ri e winaq kekun taj kkibʼano che utz kbʼan che ukojik ri tecnología.

1.  1. Weneʼ ri winaq kkichomaj che utz ri tajin kkibʼano, are kʼu kkichomaj taj che kuyaʼ na kʼax.

   •    «E kʼo bʼe ri jetaneʼ e sukʼ, che kʼut ri kikʼisbʼalil kʼo wi ri kamikal» (Proverbios 14:12).

2.  2. Kʼo ta nijun chqe kkunik kubʼano che utz o utz taj kbʼan che ukojik ri qachak.

   •    «Ronojel kinya na kanoq [ri nuchak] che ri kinjalowik. Jun jasach kʼut qas jik: chi jun we are ri ajnoʼj, we man ajnoʼj taj, kubʼanaʼ na rech che ronojel ri rukʼ sibʼalaj chak xuqujeʼ noʼj xintikar che uriqik cho we uwach ulew riʼ» (Eclesiastés 2:18, 19).

 Ri winaq tajin kubʼan kebʼ kikʼuʼx chrij ri tecnología, wariʼ kukʼutu che kajwataj chqe che ri ajBʼanol qe kukʼam qabʼe.

 Ri ajBʼanol qe ubʼim che kuya ta bʼe che ri e winaq o ri tecnología kusachisaj uwach ri uwach Ulew o ri qakʼaslemal.

•    «Ri uwach ulew mawi jubʼiqʼ kkʼextajik» (Eclesiastés 1:4).

•    «Ri e utzalaj taq winaq kkechbʼej na ri ulew kejeqiʼ kʼu na chuwach chbʼe qʼij saq» (Salmo 37:29).

 Ri ajBʼanol qe kukoj ri Biblia che ukʼamik qabʼe, jeriʼ pa ri petinaq kqariq na jun utz qakʼaslemal y jamaril. We kawaj kawetaʼmaj ri kubʼij ri Biblia chrij wariʼ, cheʼasikʼij ri e kʼutunem riʼ «¿Existe alguna guía confiable que le asegure su futuro?» y «Jun utzalaj eyebʼal chrij ri petinaq».