Ri Biblia kubʼij taj che ri Armagedón xa pa jun tinamit kkʼulmataj wi. Xaneʼ kubʼij che are jun chʼoj che kubʼan na ri Dios kukʼ konojel ri e qʼatal taq tzij re ri uwach Ulew.

•   «E are waʼ e kuxlabʼal itzel taq uxlabʼal [...]. Xebʼe kukʼ ri ajawinelabʼ re ronojel ri uwach ulew, xekimulij che ubʼanik ri chʼoj re ri nimalaj uqʼij ri Dios ri kʼo ronojel ukuʼinem [...]. Xekimulij kʼu ri ajawinelabʼ pa ri kʼolbʼal Armagedón, are ri ubʼiʼ pa ri chʼabʼal hebreo» (Apocalipsis 16:14, 16).

 R tzij Armagedón che pa ri chʼabʼal hebrea are Har Meghiddóhn, kraj kubʼij juyubʼ re Meguidó. Ri Meguidó are jun tinamit che kʼo pa ri ojer Israel. Rumal laʼ e kʼo jujun winaq kkichomaj che ri Armagedón kbʼan pa ri tinamit Israel. Are kʼu, ni ri Meguidó y nijun chke ri tinamit che e kʼo pa ri oeste re Asia (Oriente Próximo) kuchʼij ta riʼ chke «ri ajawinelabʼ re ronojel ri uwach ulew» y ri kajchʼojabʼ are chiʼ kkimulij kibʼ.

 Ri wuj Apocalipsis kukoj «etal» are chiʼ kchʼaw chrij jujun jastaq (Apocalipsis 1:1). Rumal laʼ, ri Armagedón xa ta pa jun lugar kbʼan wi, xaneʼ are ri kkʼulmataj na cho ronojel ri uwach Ulew are chiʼ ri e qʼatal taq tzij kechʼojin rukʼ ri Uqʼatbʼal tzij ri Dios (Apocalipsis 19:11-16, 19-21).